熱爆娛樂: 【今胎都係仔】影唔到大肚相爆喊楊證樺安慰老婆﹕每日用手機影一張 _

2018年11月17日星期六

【今胎都係仔】影唔到大肚相爆喊楊證樺安慰老婆﹕每日用手機影一張 __,楊證樺,

大台資深演員楊證樺與太太沈可欣即將迎接第二胎，43歲嘅可欣已懷有8個多月身孕，預產期係下月中。可欣今日喺ig貼咗一輯靚靚大肚寫真相，楊證樺脫上衫陪老婆一齊影，又與2歲半囝囝宏志(Eugene)影全家福，好溫馨。

可欣留言﹕「終於幫我達成願望！影了一輯很漂亮嘅大肚相！回想陀大仔嘅時候，原先已約好日子影相，但是大仔早了出世，影唔到！我十分失望，在產房前喊了，但是有心唔怕遲，今次終於影到仲要係一家四口一齊影！宏志好合作笑得很開心，thx so much.」。

楊證樺今日接受傳媒訪問時透露今胎都係生仔，問到有冇生仔秘方？佢笑話﹕「冇㗎，一直都想生多個，想阿仔有個伴，但都係順其自然，多謝上天安排。」佢直言太太懷大仔時影唔到大肚寫真係好唔開心，佢話﹕「所以今胎預早咗少少影，我亦會每日用手機幫佢影一張相，但返工就影唔到啦。」楊證樺真係一位好窩心嘅老公呀，佢話影嘅時間仲即興玩除衫，佢笑笑口話﹕「最近拍緊《機場特警》，雖然唔大隻，但已經fit咗好多。我見老婆影得咁開心，咪又除衫影埋一份，我原本功能只係影一張全家福，哈哈。」

精選娛聞，喺晒《娛果》

http://fb.com/appledailyent

楊證樺即興除衫，同老婆一齊影大肚寫真。(ig圖片)	沈可欣話大仔搶閘出世，所以上次影唔切孕照，搞到爆喊。(ig圖片)	 今次再懷孕，有得影靚相，沈可欣都開心番晒。(ig圖片)
 (ig圖片)	 (ig圖片)	 (ig圖片)
 一家四口(ig圖片)	 楊證樺好窩心，每日都會為老婆用手機影相，作懷孕日誌。(ig圖片)	 (ig圖片)
 快將3歲嘅大仔宏志，聽住媽咪肚子聲音。(ig圖片)