鍾欣潼跟未婚夫賴弘國一齊參與嘅內地節目《爸媽學前班》噚日（15日）播出第六集，今集內容集中對「問題兒童」嘅討論以及教育方法，節目入面，阿嬌仲自爆自己亦係問題兒童，有「閱讀障礙」。
喺上晝嘅課程入面，教育專家展示咗幾組被唔同問題困擾嘅兒童，問四對嘉賓夫婦點樣去培養呢啲兒童嘅發展，阿嬌同賴弘國就揀咗「好奇心過剩」嘅兒童，阿嬌話陪伴係對呢類小朋友最好嘅教育方式，專家亦表示讚同，阿嬌繼續話：「可能孩子的領域未必是自己認知的，或許他是個天才。對哪一方面有探索的慾望，就找相關專業很厲害的人進行輔導，碰撞。」之後佢仲用咗自己嘅經歷做例子，「小時候非常喜歡畫畫，但因沒有在專業的指導下深入學習，水瓶座天馬行空的想像力並沒有在畫畫方面得以發展，所以保護孩子的好奇心非常重要。」
喺溫習朝早課程時，阿嬌就話學到好多嘢，原來閱讀障礙係有得「救」，之後仲被賴弘國爆佢有閱讀障礙，「像你就是啊，你可能閱讀有點障礙，但是你現在還是一個很成功的 」說話都未講完，阿嬌就即刻話：「還活着！」聽到阿嬌咁講，賴弘國忍唔住爆笑，阿嬌問：「甚麼意思呀？」賴弘國一邊笑一邊話：「就是你現在事業發展得很成功，它並沒有對你的發展造成很大的影響。」然後阿嬌有感而發，「對我來說，能有人說出來，去share這一個訊息，是很重要的。有一定的支持，還有陪伴，我覺得很重要。」
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|