54歲張曼玉，噚晚在上海出席活動，近年甚少現身嘅佢，成為全場焦點。而佢3、4年前出活動時，因為過瘦顯得有點憔悴，加上臉部紋路明顯而被指「變殘」。而且今次佢亮相時，頭髮剪短並染髮，臉頰仍顯得瘦削，但精神不錯，不過依然有台灣網民指佢跟75歲連戰夫人連方瑀神韻相似，網民感嘆歲月催人。
在活動紅地毯上，張曼玉透露最近工作計劃，忙於音樂方面，望今年可以出EP…咦，得番一個月左右咋喎。
其實張曼玉的演技是華人影壇傳奇，佢先後獲得康城同柏林影后，還有5次金馬影后及5次金像獎影后等多個影后殊榮。
但近年佢對音樂充滿熱誠，自從佢2004年拍前夫執導嘅電影《錯過又如何》後，開始接觸獨立音樂人，並在電影中演唱四首歌，此後佢開始用電腦軟件製作音樂，2012年佢曾與樂隊在北京首次公開現場獻唱。2014年張曼玉以搖滾歌手身份，獲邀在上海草莓音樂節中獻唱《甜蜜蜜》等，其低沉嗓音雖然遭到批評，不過佢始終有一顆搖滾心，2015年佢仲為電影《戀愛中的城市》創作兼主唱主題曲《如果沒了你》，仍在追音樂夢。
精選娛聞，喺晒《娛果》 http://fb.com/appledailyent
|
鍾意就快D Share啦！
|
|
|
