2018年11月16日 星期五

【狗仔出更】與「四眼吳卓羲」飯局摸頭搭膊 唐詩詠:同朋友開心飯聚 __,唐詩詠,吳卓羲,

左圖:讀者提供圖片/右圖採訪、攝影:楊浩賢、陳辰
有「絕世好女友」之稱嘅唐詩詠喺舊年5月同洪永城喺IG宣佈分手,呢段兩年半戀情正式告一段落(新聞連結:https://bit.ly/2B8ovot)。雖 ...


有「絕世好女友」之稱嘅唐詩詠喺舊年5月同洪永城喺IG宣佈分手,呢段兩年半戀情正式告一段落(新聞連結: https://bit.ly/2B8ovot )。雖然洪永城講明分手不涉迫婚,亦不涉第三者,不過仍然有消息指詩詠與洗米華愛將盧啟邦暗撻一個月,其後洪永城力撐前度話:「以我所知,唐詩詠係單身!」



今年年初有報道話呢對過去戀人被撞破約會,似乎有復合嘅跡象,點知佢哋異口同聲話只係好簡單嘅朋友聚會,大家唔使諗咁多,跟住都唔冇再聽到佢哋有新戀情傳出。前晚唐詩詠喺觀塘道外遇到連環車禍,嚇親伊人,不過喺呢次不幸事件之前,唐詩詠就食咗餐好滿足嘅晚飯,因為前晚有《蘋果》讀者報料,聲稱在又一城見到唐詩詠同林子萱食飯,坐唐詩詠旁邊嘅,仲有一個圈外男子「四眼吳卓羲」。



讀者話唔知呢個係咪唐詩詠新男友,最初係詩詠同林子萱先到餐廳,大約過咗一個鐘左右,「四眼吳卓羲」就現身,聽到詩詠向林子萱介紹「四眼吳卓羲」叫Samuel,其間林子萱離開張枱,佢哋即刻變得好sweet,久唔久仲深情對望,傾到興起仲見到「四眼吳卓羲」摸一摸詩詠個頭,冇耐又見到搭住詩詠嘅膊頭,最後由「四眼吳卓羲」埋單,好有風度。



不過佢哋離開餐廳嗰陣,即刻變得有啲避忌,詩詠行先,林子萱跟住行,「四眼吳卓羲」離開餐廳,但係臨走都有同林子萱講Nice to meet you,之後林子萱同兩人拜拜後離去,「四眼吳卓羲」就陪唐詩詠搭lift去到停車場,之後唐詩詠獨自駕車走。



唔知呢個係唔係新男友呢?唐詩詠回覆傳媒時否認:「梗係唔係喇,污糟咗之嘛,佢係我同Kiki嘅朋友,只係同朋友開心飯聚,其他事無回應。」



精選娛聞,喺晒《娛果》

http://fb.com/appledailyent



左圖:讀者提供圖片/右圖採訪、攝影:楊浩賢、陳辰  唐詩詠同「四眼吳卓羲」食飯,有傾有講好開心。 唐詩詠同「四眼吳卓羲」食飯,有傾有講好開心。
 仲講到掩嘴笑。

仲講到掩嘴笑。
 呢個飯局其實仲有林子萱,讀者聽到唐詩詠介紹男仔時,叫佢做Samuel。

呢個飯局其實仲有林子萱,讀者聽到唐詩詠介紹男仔時,叫佢做Samuel。
 冇人嘅時候,兩人坐得埋啲。

冇人嘅時候,兩人坐得埋啲。
走嘅時候,林子萱讓番個二人世界俾唐詩詠。

走嘅時候,林子萱讓番個二人世界俾唐詩詠。
 正面睇,都有七分似吳卓羲…

正面睇,都有七分似吳卓羲…

鍾意就快D Share啦!