日前喺Instagram宣佈陀B嘅陳凱琳（Grace），今日喺尖沙嘴出席活動時，被問現時懷有幾多個月身孕？Grace話：「超過3個月，（有咗結婚？）呢啲唔講喇，預產期要同醫生夾下，始終係第一胎，我未知開刀定順產。」Grace表示會喺香港生BB，方便家人照顧。
提到好友黃智賢早前透露，Grace照超聲波時，嘉穎好興奮咁話「嘩！咁大條嘅？」（新聞連結： https://bit.ly/2KB5P42 ）原來係指BB條臍帶，Grace笑住話：「係呀，照嘅時候，我望一望老公，可唔可以唔好講出口呀，不過幾得意，我知佢會同朋友分享，男人同男人之間會覺得好笑，所以Ben（黃智賢）咁講，我唔出奇。」呢胎仔定女？佢表示已經知道BB嘅性別，但想遲啲先公佈。係咪「好大條」㗎？佢笑指：「到時話你知！」。
講到佢o依家變女王，Grace即指：「以前係公主，o依家佢（嘉穎）更加細心同體貼，不過我又未係好野蠻，我唔會2、3點要人買嘢食，我怕要還，（胃口有冇變？）有呀，我以前鍾意食甜，o依家鍾意食鹹同中國菜，可能BB想要多啲營養。」提到嘉穎12月會出埠工作，Grace表示胎兒穩定安全，佢會做跟得夫人。
有冇期待身形升cup？Grace笑指：「我o依家出街，都會好敏感人哋望住我條腰同嗰度（胸），（所以今日用花遮住？）唔係，襯番主題啫，其實開始見肚，可能我偏瘦，所以一有肚腩會好覺，都幾得意，因為個肚好硬淨。」佢表示o依家行街同上網留意BB用品。提到佢今日着住4吋高踭鞋，Grace指活動後會即換番平底鞋。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|