熱爆娛樂: 【爆相爆片】夜蒲撻着姚子羚個EX 湯洛雯「的士邦」下半身貼到實 _

2018年11月20日星期二

【爆相爆片】夜蒲撻着姚子羚個EX 湯洛雯「的士邦」下半身貼到實 __,湯洛雯,爆相爆片,姚子羚,

31歲「靚湯」湯洛雯在今年3月與拍拖4年幾嘅羅天宇宣佈分手，靚湯一直話自己係單身，但月初出席黎國輝（阿感）婚禮時就好搏命搶花球，令人覺得佢好恨嫁。(相關新聞﹕ https://bit.ly/2qVc3mi )

日前《蘋果》讀者林小姐透過「爆相爆片」，透露上周五凌晨1點半左右，喺銅鑼灣耀華街一間上樓酒吧，遇見湯洛雯同龔嘉欣、莊思敏、莊思明等一齊夜蒲。穿上超短裙晒長腿嘅靚湯勁吸睛，全晚與一男子形影不離，林小姐話：「湯洛雯有同朋友玩掟乒乓波嘅酒game，玩到咁上下，佢就坐咗上吧枱，同個男人好好傾，個男嘅仲摸佢大髀。」林小姐話佢哋之後企咗喺吧枱邊傾偈，之後男嘅越貼越近，好似人肉三文治咁，背脊貼住靚湯，下半身貼到實，難得靚湯完全唔抗拒，傾咗幾句，男嘅就借力起身，動作有點不雅。

同場嘅龔嘉欣亦好受男士歡迎，期間被一肥一瘦中年男士「夾住」走唔甩，身形較胖嘅男士突然出手搭住嘉欣膊頭，搞到佢個樣有啲驚，即時聳聳肩將雙手放喺心口，隔一陣終於「耍得甩」，就望住企對面枱嘅湯洛雯露出一副好慘情嘅樣。而莊思敏都有同朋友玩飲酒game，思明較乖，全晚只係坐定定睇人玩，臨走前仲同靚湯goodbye kiss。約凌晨二時，嘉欣拉住靚湯準備離開，與同行友人前後腳一齊坐電梯走。

湯洛雯日前接受傳媒訪問時否認有新男友，被指與一男子好close，佢話﹕「No la.有朋友生日，一班朋友去慶祝，龔嘉欣、莊思明、思敏都喺度，全部都係朋友，之後去咗思敏舖頭坐咗一陣咋嘛。Still single,冇男朋友。」咁有冇追求者？靚湯都好坦白﹕「都有認識緊嘅新朋友，不過真係好初步啦。」

從片段所見，與湯洛雯纏綿一晚嘅男士，原來係姚子羚嘅有米前度男友鄭子邦（的士邦）！在ig發現，當晚其實係皮草太子爺王大業（Andy）嘅生日，一班朋友食飯開party，丁子高、周汶錡、陳靜(DaDa)、周啟邦兒子周國豐等都有出席，之後年輕嘅一班朋友再有下場，齊齊落酒吧狂歡。

Google Play 2018 年度最受歡迎應用程式，請即點擊 http://bit.ly/2FCthz5 投《蘋果動新聞》一票

精選娛聞，喺晒《娛果》 http://fb.com/appledailyent

【編輯推介】

【金馬風波】傳大陸下令抵制金馬獎合拍片/中資電影不准報名

http://bit.ly/2Q93v9A

【電子書法】阿姐IG妙筆生花落名新方法軒仔起名#汪阿Tag

http://bit.ly/2Fs6S7u

【唯一中港台藝人】G.E.M.以中國歌手身份入圍BBC百大女性

http://bit.ly/2TqEK7F

惡鬥「八字胸」邵珮詩馮盈盈真空冇着內褲：今次豁出去

http://bit.ly/2DtF5Rn

利孝和夫人缺席台慶陳國強接棒切蛋糕

http://bit.ly/2ORnMvu

湯洛雯同的士邦全晚孖公仔般，傾偈都貼到好埋。(讀者林小姐提供/ig圖片)	靚湯好玩得，跟不同男士一齊隊酒。(讀者提供)	 之後二人行埋一邊傾偈，讀者話見到男方有摸靚湯大髀。(讀者提供)
 的士邦同靚湯全身緊貼，但靚湯似乎好受落。(讀者提供)	 男嘅借力起身(讀者提供)	 之後靚湯獨坐咗一陣，右邊嘅係王大業。(讀者提供)
 莊思明離開時與靚湯攬攬。(讀者提供)	 龔嘉欣被其中一名男士搭膊頭，個樣有啲驚。(讀者提供)	 龔嘉欣掩住心口，望住枱對面嘅靚湯求助咁樣。(讀者提供)
 龔嘉欣拉埋靚湯一齊走。(讀者提供)	 莊思敏都在場(讀者提供)	 當晚係王大業生日，(左起)莊思明、周國豐、的士邦、湯洛雯同莊思敏一齊慶祝。(ig圖片)
 DaDa都有去生日派對(ig圖片)	 原來真係有好大班朋友(ig圖片)