今年30歲嘅朱千雪喺2016年法律碩士畢業，而家繼續攻讀法律博士。有家底有靚樣，都咁努力讀書，唔少網民都當佢神咁拜！之前有傳佢會轉行做律師退出幕前，但其實佢而家只係無再接劇，對上一次有份參演嘅已經係17年嘅《踩過界》。雖則唔再接劇，但佢仍然會出活動同上節目，貪呢啲活動時間短，唔會影響讀書啊嘛。上個月佢同湯洛雯嘅《3日2夜》，兩個女神走埋一齊，畫面不知幾好睇。
雖然要專心讀書，但「吊頸都要唞下氣」，呢日佢就約埋好姊妹岑杏賢著住姊妹裝出街。兩個都係2012屆港姐，又同年紀，梗係特別啱傾，千雪BB傾到不斷大笑。佢哋入超級市場企喺沙律櫃前睇咗陣，岑杏賢揀咗盒沙律。之後再行入化妝護膚品區，再每人拎住個袋行出嚟，唔知係買禮物俾自己，定送禮呢？話時話，千雪BB講到明讀完博士課程後要實習，睇嚟以後都無乜機會拍劇，唔通Fans們只可以喪Loop佢嘅《3日2夜》？
來源 source: http://nextplus.nextmedia.com
|
鍾意就快D Share啦！
|
|
|