近年好多「美魔女」，已經五十幾六十歲皮膚依然光澤、飽滿、零皺紋。究竟真係keep得好定係科技進步？大家心裡有數。唔係個個都似鍾楚紅（紅姑）咁，願意以自然美示人。
紅姑58歲有歲月痕跡好正常。至於出活動時，化返少少妝已經好靚好省鏡，就算仍然見到皺紋，但起碼係自然美，唔會膠膠地。講真，紅姑同以前其實無咩大分別，望住而家嘅佢，一樣會喚起廿幾歲時喺大銀幕上俘虜觀眾嘅佢。
80年代，無綫試鏡失敗嘅紅姑，得到電影公司垂青，拍落唔少令人難忘嘅戲，呢啲戲當時嚟講算得上大膽，例如《星際鈍胎》晒半球露晒底、《男與女》同萬梓良床戲連連、《窺情》與《雪兒》又充滿誘惑，真係天生尤物嚟㗎！
雖然戲路較為開放，但唔代表紅姑只有外在條件，實質上演技亦被受肯定，好似1984、1987年就分別憑《男與女》、《秋天的童話》獲提名香港金像獎、台灣金馬獎「最佳女主角」，更順利兩奪亞太影展影后殊榮，如果唔係1991年嫁人後逐步淡出息影，紅姑一定更為耀眼！
來源 source: http://nextplus.nextmedia.com
|
鍾意就快D Share啦！
|
|
|