劉愷威同楊冪結婚5年，二人聚少離多拍戲拍劇，囡囡小糯米就交由爺爺劉丹夫婦照顧，佢哋結婚頭兩年，雙方都各自屢傳有婚外情，不過二人因吸金力強，加上多廣告合約代言，所以誓保夫妻形象，每有婚變新聞爆出，都會同心否認。
早喺15年年尾，楊冪率先爆出疑有婚外情，就係同內地藝人李易峰合作拍電影《怦然星動》而戲假情真撻着，多次傳出二人關係密切，16年4月，兩公婆同李易峰所屬公司先後發律師信，先令婚變傳聞降溫，不過二人6月合體幫囡囡慶祝生日，二人已冇戴婚戒，更全程零交流。
而劉愷威亦多次傳出有婚外情，於15年底傳出同內地女星王鷗拍劇時，疑似出軌，傳出二人深夜共處一室，不過幾位當事人都公開否認。今年9月，劉愷威再傳有新歡，網上有人爆料佢有一名叫Britney嘅巨胸富家女新歡，二人更有面貼面嘅合照、對話截圖流出，Britney微博更寫住「帥帥的 #劉愷威#」，更指Britney爆料劉愷威已離婚兩年，之後劉愷威嘅內地工作室就講到合照係片方領導人帶佢嚟探班影嘅合照，佢同Britney並不認識，指網上傳聞唔係事實。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
