掃呢頁CODE去手機

2018年12月22日 星期六

杜大偉:C1:杜大偉靠5萬蚊翻身滾出7間舖 __,杜大偉,

與林峯同期受力捧,不過衰囂張結果變廢青。早年杜大偉憑《愛.回家》飾演「細楊生」而成功入屋,近日於熱播劇《大帥哥》中代替已故好友曾守明演出,與張衞健演對 ...


與林峯同期受力捧,不過衰囂張結果變廢青。


早年杜大偉憑《愛.回家》飾演「細楊生」而成功入屋,近日於熱播劇《大帥哥》中代替已故好友曾守明演出,與張衞健演對手戲,原來禾稈冚珍珠,憑5萬元滾出7間火鍋店,並計劃3年內上市!入行21年,他曾與林峯及黃宗澤同受力捧,惟一朝得志衰囂張而差點星途盡毀,曾經歷酗酒廢青的歲月!

1997年加入無綫的杜大偉,至今參演逾100部劇集,當中較印象深刻的角色包括《愛.回家》的「細楊生」及《忠奸人》的「十仔」等,引起劇迷注意。日前他到油麻地街市打躉兼買餸時,有不少師奶及檔主主動與他打招呼,行經海味店時更被店主「挾持」傾到雞啄唔斷,他亦順道購買花膠及燕窩慰勞老婆,認真廿四孝老公。

計劃搞上市

戲齡21載的杜大偉,另一身份是火鍋店股東,當初憑5萬元投資,在短短四年內已開了七間火鍋店,並有上市計劃。自言只是小股東的他回首過去,人生猶如坐過山車般起跌,正是有過潦倒的經歷,故更珍惜現在所擁有的。他說:「我表哥係其中一個股東,當時股東佢哋希望搵人幫手宣傳,所以我就參與,大家好努力先有今時今日嘅成績。我哋發展得好急速,將賺到嘅錢再投資落下一間。」相對窮到燶的日子,他的經濟已變得鬆動,他說:「大錢真係未搵到,但依家還清晒啲債,都有啲積蓄,所以爸爸大病嗰陣都有錢入私家醫院做手術。」

入行時有「小張國榮」之稱的杜大偉,2001年與林峯、黃宗澤及楊怡等被封為「九男女」,備受無綫力捧。一朝得志,他卻因囂張而「自毀」前程:「想像到自己好夢幻、好勁,後來因為態度唔好、成日遲到、未紅先驕、不可一世,囂張又霸道,慢慢落後咗,更加自怨自艾,於是申請去兒童組,一做就做咗11年!」

曾年薪50萬

當上兒童節目主持後收入大增,高峰期試過一年至少有50萬收入,他說:「轉去兒童組做山寨王,一星期做足7日,一個月已經有28個騷錢,好快爆騷,賺啲錢嚟得好快,頭嗰3、4年都仲好啲,跟住變得懶散,唔Keep身材,慢慢變咗肥仔,成日去蒲去玩,使好多錢。後來離開兒童組先知大鑊,冇咩做收入差。(相差幾遠?)當你有20蚊使時,突然得番3、4蚊,真係好失落!嗰時以為酒精可以麻醉自己,日飲夜飲,情緒唔好,精神又差。」

窮途末路當「廢青」,幸得資深演員好友古明華(古佬)當頭棒喝鬧醒!杜大偉說:「古佬話:『你個樣又唔差,但身形似麻甩佬,肥頭耷耳,你依家咁嘅樣,就算監製搵你都唔知畀咩角色你』佢點醒咗我,於是開始減肥。」他成功由180多磅減至現時155磅,工作量的確增多:「我相信呢行大部分人都有呢個迷失:『點解你得我唔得?』我亦曾經有過咁嘅階段,太睇重得失。依家我好清楚,唔好怪人唔畀機會你,你都要畀機會人哋選擇自己,我唔係一個好成功、好紅嘅藝人,但依家好享受拍戲。」

更多新聞,請瀏覽東方日報網頁:

http://orientaldaily.on.cc/


來源 source: http://hk.on.cc
鍾意就快D Share啦!