2018年12月22日 星期六

【男人第二老婆】昆凌送百萬林寶堅尼 周杰倫:人生第一次被女生送車 __,周杰倫,昆凌,

周杰倫兩公婆噚日同好友開Ugly Sweater派對。IG圖片
就嚟聖誕節,唔少人都約埋三五知己聚埋一齊開P,周杰倫同老婆昆凌就同朋友開UglySweater派對!今年昆凌玩驚喜送約價值2百幾萬港元嘅林寶堅尼(La ...


就嚟聖誕節,唔少人都約埋三五知己聚埋一齊開P,周杰倫同老婆昆凌就同朋友開Ugly Sweater派對!



今年昆凌玩驚喜送約價值2百幾萬港元嘅林寶堅尼(Lamborghini)URUS超級SUV俾老公,昆凌事先串通一班好友喺抽獎環節,令周杰倫抽到昆凌預先準備嘅鞋盒,盒裏面放咗各種遊戲指示,周杰倫一直跟住指示做,最後閉上眼走到車房,就見到昆凌送嘅名車。



話晒車係「男人嘅第二老婆」,何況周杰倫一向係愛車之人,擁有至少廿架超跑,包括法拉利、林寶堅尼LP700、Pagani Huayra、訂製款嘅蝙蝠車、賓士SLR722跑車等,總值超過1.2億港元,「正宮」昆凌咁大方為周杰倫添「小老婆」,除咗係送聖誕禮物之外,呢份仲係提早送嘅生日禮物,周杰倫下個月18號就40歲生日喇!

周杰倫即喺IG晒幸福,貼出二人合照,開心咁講「人生第一次被女生送車」、「謝謝你精心策劃準備的生日禮物」,網民留言「人家交換禮物是林寶堅尼,我們還在衛生紙充電器」、「有錢才能隨性」、「有錢真的可以任性」,而好友林書豪就叫周杰倫下次要送飛機俾老婆,不過另有網民覺得周杰倫係「炫富」。



精選娛聞,喺晒《娛果》

http://fb.com/appledailyent




鍾意就快D Share啦!
Related Posts Plugin for WordPress, Blogger...