劉德華誇年紅館演唱會，仲有唔夠兩星期就會舉行，華仔正密鑼緊鼓排練，每日勤練體能。而5年前開始食素嘅華仔，飲食方面一向都好清淡，為應付嚟緊嘅演出，除咗食大量嘅蔬菜之外，每日仲要食6隻蛋，戒澱粉、戒糖，華仔話：「食素之後，澱粉類一直係我主要嘅飲食，戒澱粉初時都會覺得餓，但係好快就習慣。大家唔使擔心我嘅體能狀態，因為有營養師睇住。」
正努力排舞嘅華仔講到今次舞蹈方面，係結合咗曹誠淵老師同現代舞老師Alan Mak，每個老師嘅方式都有啲唔同，但嚴格同要求都係一致。而華仔每日同舞蹈員排完舞之後，仲會自己一個留低繼續練舞，就算練到幾夜都好，都要堅持每天至少跑步45分鐘。
事隔8年再踏紅館，華仔坦言此刻心情非常緊張：「今次會有一個新創舉，就係會將原本掛喺紅館中間嘅懸吊大螢幕拆落嚟，改為掛喺旁邊位，觀眾視野可以更開闊，直接欣賞舞台演出。」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|