明晒！
藝人張栢芝（Ceci）驚傳喺上月25日為新加坡富豪秘密產子，一直冇露面嘅佢，昨日終於有新相曝光，飲食作家Bonnie在社交網晒出同栢芝喺遊艇會嘅合照。Bonnie今日接受東網訪問，被問到栢芝可有向她透露剛生完B？她說：「冇喎，都唔係事實，所以都唔會去問同求證。（佢有冇肚凸凸或者行路論盡？）冇冇冇，同平時一樣，佢手腳好纖幼，一啲都唔似啱啱生完，啲人話覺得佢肥咗，但我唔覺得佢有咩變化。（傳佢有個新加坡男友，你有冇聽過？）冇喎，佢平時做乜都係以湊小朋友為先，有冇男朋友都係好次要，冇聽過佢有男朋友呢樣嘢。」
估清空IG為阻黑客
栢芝最近將IG社交網的照片全部刪晒，問到知不知原因？她說：「其實我自己覺得，好多時傳媒寫啲嘢未必係事實，變咗好多藝人鍾意用社交平台講番自己嘅嘢，起碼真實，但有時有黑客同啲流言唔係咁好，可能因為咁而刪，不過純粹係我覺得啫，我冇同佢傾呢樣嘢。」
透露整傷十字韌帶停滑水
她坦言已經有半年沒有見過栢芝，因為大家都忙住照顧自己的小朋友，但大家有message聯絡，她知道栢芝年初因整傷十字韌帶，痛了一段日子，所以少咗玩滑水，但痊愈後栢芝會再去滑水。
睇手帶證新相
由於栢芝秘密產子的傳聞言之鑿鑿，對網友質疑她上載的照片是否真的昨日拍攝？Bonnie說：「其實好簡單，尋日係深灣遊艇會嘅會員日，如果大家有留意大家手上都有條手帶，手帶係尋日先有，仲要係一年一次，冇得話假，尋日喺度好多人都見到栢芝，雖然我冇見到其他圈中人，但現場好多人喺度。」栢芝可有向她透露未來工作狀況？她表示相信對方主力湊小朋友，她說：「工作嘅嘢你都係問番佢。」她並且強調上載與栢芝的照片，事前經得栢芝同意先甫上社交網。
來源 source: http://hk.on.cc
|
鍾意就快D Share啦！
|
|
|