網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年12月27日 星期四

娛刺撈飯:免費嘅嘢最貴!黃子恆嗒錯蝦條衰雜食 __,黃子恆,

黃子恆呢鋪真係一Q清袋喇!正所謂:「唔怕生壞命,最怕改壞名。」睇吓無綫哥仔黃子恆同台灣導演鈕承澤呢期好似約埋咁,先後爆出性醜聞,搞到一身蟻,真係除咗怨 ...


黃子恆呢鋪真係一Q清袋喇!


正所謂:「唔怕生壞命,最怕改壞名。」睇吓無綫哥仔黃子恆同台灣導演鈕承澤呢期好似約埋咁,先後爆出性醜聞,搞到一身蟻,真係除咗怨自己唔忍口,就只能怪自己改壞名。

兩年前傳搭上當時係人妻嘅歌手裕美,仲有疑似情慾對話流出!點知都係繼續「唔識食」,你話啦,子恆子恆,以黃色嚟止痕,結果就愈止愈痕,唔止𤓓到被爆偷食內地女粉絲,懷疑搞大人個肚唔認數,仲被唔少合作過嘅女藝人話被佢抄過牌,成日借頭借路約食飯出街,最大鑊係35E歌手迪子踢爆佢曾經四度撩開房唔成,竟然反轉豬肚鬧臭人哋。

喂,開講都有話喇:「男人可以風流,但唔可以下流。」人哋話晒都係女仔人家,做男人就唔該畀番少少風度,若果深呼吸完都仲係抵唔住頸嘅,就去沖個凍水涼,再唔掂就落街打場籃球,激氣過後,諗番轉頭,頭先只係芝麻綠豆嘅小事,面對難題不氣餒,話唔定他朝成就必定非凡呢,點都好過被人寸「㩒鐘仔錢都慳」咁樣衰啦,吓話?

敢食敢認呃到Like

之不過咁,識諗嘅就唔會有粉絲蝦米煲唔食,係都要食粉絲蝦條人哋自稱係你粉絲啫,但咩背景你掌握得一清二楚咩?人哋乜頭乜路你都未知,咁都食得落,Nuts哥除咗借用魯迅嗰句:「第一個吃螃蟹的人是很令人佩服的,不是勇士誰敢去吃它呢?」都唔知講咩嚟安慰黃子恆好囉!

果然吖,黃子恆呢頭食完嗰頭就有手尾跟,人哋話有咗你骨肉,你就話你有戴套唔怕驗DNA。無錯,某程度你係敢食敢認,總比食完又話冇食過好啲,呢點要讚。不過咁喎,就算到頭來驗咗個肚真係同你冇關,個局點拆都係有頭有面嘅電視台上位哥仔蝕大底。

來者不拒 「浸死」攞嚟衰

最諷刺嘅係聽番女事主事後剖白,一時話誓要整到黃子恆冇得撈,仲不惜墮胎落仔一拍兩散,一時又話對佢仍然依戀,仲話聽到黃子恆認錯短訊又開始心軟,怕佢對住傳媒只係死頂扮堅強,隨時頂唔住壓力,會做傻事喎。講多兩講,又話墮胎要幾千銀,自己做量地官多時,周身冇銀,唔係靠朋友接濟,喺人哋屋企屈蛇寄居,睇怕瞓街都似,又問記者黃子恆會唔會出錢畀佢墮胎。短短一番話,除咗體現咗女粉絲自己都搞唔清想點,亦都引證咗光棍佬教仔:「免費嘅嘢最貴」。就算你話再old school都好,歌都有得唱:「路邊的野花,你不要採」,再講,色字頭上一把刀仲old啦,咪又係萬試萬靈。

講到底,呢個圈過往並唔係冇藝人食粉絲,有啲後來仲結埋婚添,不過食還食,要揀擇,要篩選囉,否則下下來者不拒嘅話,噎死都未天光啦。要知道女人係水造,自然就會「女能載舟,亦能覆舟」,好似黃子恆咁被TVB雪藏, 固然大好星途從此毀,好似鈕承澤咁變「妞成澤」,一個不留神跌落女人沼澤,浸死咗都唔知咩事,都只能怪自己攞嚟衰囉!


來源 source: http://hk.on.cc
鍾意就快D Share啦!