Bob數年前以超過十萬租住加多利山三千呎豪宅，就算去年兒子出世，一家八口包括兩個傭人也依然有足夠空間。不過兩個月前，他接到通知，指不獲續約，要他搬走，對於突然帶住一家大細搵屋搬，一直以為可以在加多利山住多十年八載的他，十分憤怒。
「我又唔係冇交租，又唔係整爛啲嘢、嘈喧巴閉，唔係有咩投訴，點解要我搬屋呢。後來佢解釋，業主要收返間屋作私人用途，嗰度有咁多屋，唔明佢哋用咩嚟考量。我當時係發咗好大嘅脾氣，我自己都控制唔到，因為幾激動，突然叫我三個月內搬走，挨年近晚，一家大細都幾大鑊，所以我都想藉着呢個機會，同當時管理處同事講聲唔好意思。」Bob說。
理智戰勝一齊，Bob坦言他最初想過將事件搞大，同對方玩嘢，不過最後都打消念頭，他更趁拍賀歲片《如珠如寶》的空餘時間，跟略懂風水的太太去睇樓，結果他們找到一個在九龍塘的單位，比現在風水更好，風水師話入住後會財、丁兩旺，阿Bob有感而發：「財愈多愈好，但丁就夠嘞。」
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|