今時今日電視廣告收費愈嚟愈貴，有好多公司轉改賣網上廣告減低成本。可以喺大台聖誕期間黃金時段賣廣告嘅通常係大公司。但近日一個由「蘋果廣告公司」發出嘅廣告就引來網民不安啊！事關整段廣告無任何對白、淨係播住低清煙花，配上劉華嘅《真我的風采》。呢5秒廣告喺黃金時間播出，真係相當詭異啊。廣告一出，網民都掀起瘋狂討論，有人話可能係暗示嚟緊嘅煙花匯演會有出事，又有人話催眠緊觀眾。
網民仲調查到2003年都曾經有個蘋果電影嘅廣告，個廣告形式一模一樣，然而當年呢個廣告播出後就爆發沙士，網民又估今次會唔會又係表示有病毒爆發。不過呢啲一切都係猜測，並無憑證嘅。最令人意外嘅係網上完全搵唔到呢間公司嘅任何資料，只能夠搵到佢有商業登記，但無公司註冊。
睇返大台閒日黃金時段嘅廣告收費，5秒嘅廣告最貴收29萬，最平就2萬3。但呢個每節廣告時段都播，都要唔少錢。難怪網民會覺得呢個來歷不明嘅廣告咁詭異。
來源 source: http://nextplus.nextmedia.com
|
鍾意就快D Share啦！
|
|
|