Lea T.同20多名模特兒被走數，真係要搵會長古天樂求救喇！
擁有34C索爆身材、現年31歲的索模Lea T.於今年中在一個電視廣告的工作場合上認識名為Michael的中間人，對方透露正為電影公司物色外籍模特兒在戲中客串，Lea得悉該片是大製作，加上可跟古天樂做對手戲，認為機會難逢，不虞有詐下答應。六月底，她興致勃勃為電影客串，每晚由凌晨12時拍至早上8時，更以內衣上陣，不過完成工作後，接洽工作的中間人恍如人間蒸發，故至今仍未收到酬勞，她坦言：「拍完之後就搵唔到嗰位中間人，打電話畀佢，佢冇接，傳短訊又唔覆，所以都唔知可以點做。」她稱今次是首度跟對方合作，沒想到電影拍了，但被欠薪，她亦大感無奈。
拖欠六位數
Lea透露除了自己之外，還有大批苦主，在片中客串的模特兒及演員亦跟她同一遭遇：「加埋我有23人，全部都係外籍人士，大家都係由同一個中間人聯絡，但都收唔到酬勞，我哋班苦主喺Facebook成立咗個群組大家互通消息。」估計共涉及六位數金額。據知，不少演員酬勞低廉，兩日戲份由早拍到晚，只收五千元，可謂血汗錢。
諗過報警
她自言若得到身為演藝人協會會長古天樂伸出援手就最好，因為一班苦主都是外籍人士，對香港法律並不清楚，亦不認識本地電影人，深感求助無門：「大家初時都有考慮過報警，後來有人去勞工處求助，不過勞工處就叫我哋搵小額錢債審裁處。其實我聽聞被走數嘅情況好普遍，但今次係我第一次遇到，雖然對方欠我嘅錢唔多，但我覺得係公義問題，都好想討回公道。我認為香港電影業需要有所改善，唔可以容許有人咁做，亦唔可以因為我哋唔係本地人就覺得冇問題。」她有感追回欠薪機會渺茫，聽聞該中間人已將所有錢花在賭枱上，所以就算找到對方，相信對方也無力歸還。
來源 source: http://hk.on.cc
|
鍾意就快D Share啦！
|
|
|