掃呢頁CODE去手機

2018年12月18日 星期二

【龍虎豹蛇到齊!】祖兒送個人畀阿嬌 阿Sa貼身上衣配間條長裙到賀 __,容祖兒,蔡卓妍,鍾欣潼,阿Sa,阿嬌,

攝影:馬建華、沈健程
阿嬌今日註冊結婚之喜,當然唔少得佢「龍虎豹蛇」好姊妹容祖兒、蔡卓妍(阿Sa)同埋鄭希怡(Yumiko)出席。佢哋下午4點左右陸續到場,祖兒梳起頭髮着住 ...


阿嬌今日註冊結婚之喜,當然唔少得佢「龍虎豹蛇」好姊妹容祖兒、蔡卓妍(阿Sa)同埋鄭希怡(Yumiko)出席。佢哋下午4點左右陸續到場,祖兒梳起頭髮着住長裙及戴上黑手套同着住4、5寸高嘅鞋,打扮成個貴婦人咁。問佢送乜畀一對新人時,佢話:「冇乜特別,我送咗成個人畀佢。」因為現場保安唔畀傳媒做訪問,所以祖兒都唔可以企定定接受傳媒採訪,講完幾句之後入咗去會場。阿Sa就着住貼身上衣襯間條長裙現身,佢見到現場咁多記者,都有揮手打招呼,而Yumiko就同埋老公一齊到賀。

相關新聞:【楊受成到賀】送金豬賀阿嬌出嫁 霍汶希:佢阿媽話最緊要好運



古巨基老婆Lorraine近日傳有喜,基仔今日同老婆都有嚟,着住鬆身衫嘅Lorraine,步伐輕盈,但同基仔相隔10幾個身位,記者叫佢哋一齊影相,但基仔話:「佢話唔同我一齊影相喎。」



另外,到賀嘅仲有小豬羅志祥整容女友周揚青同關智斌等等,周揚青同阿嬌係老友,今日佢染晒金毛着住紅衫,一見記者影相即急急閃身入會場。

相關新聞:【獨家】鍾欣潼着deep V裙性感註冊 獲奶奶讚:很喜歡她,很棒



精選娛聞,喺晒《娛果》

http://fb.com/appledailyent



攝影:馬建華、沈健程  阿Sa就着住貼身上衣襯間條長裙現身 阿Sa就着住貼身上衣襯間條長裙現身
 祖兒梳起頭髮着住長裙及戴上黑手套同着住4、5寸高嘅鞋

祖兒梳起頭髮着住長裙及戴上黑手套同着住4、5寸高嘅鞋
 基仔今日同老婆都有嚟,但基仔話:「佢話唔同我一齊影相喎。」

基仔今日同老婆都有嚟,但基仔話:「佢話唔同我一齊影相喎。」

鍾意就快D Share啦!