37歲鍾欣潼（阿嬌）正式註冊結婚了！今日跟台灣「醫界王陽明」賴弘國在尖沙嘴舉行註冊儀式，只邀請30多位至親好友見證，下午2時40分，阿嬌嘅座駕返抵西環寓所，約10分鐘後，阿嬌嘅座駕再度駛離寓所，出發到筲箕灣，原來是調虎離山引開傳媒。
下午約4時10分，一對新人抵會場，新郎着白裇衫襯深色西褲，阿嬌着黑色上衫、灰色外套、白色鞋，當兩人在停車場由扶手電梯行落嚟時，老公好細心為阿嬌撥頭髮，仲攬住阿嬌條腰，讓傳媒拍攝老婆最靚一面，記者叫佢哋停低影相，阿嬌笑笑口急急腳，邊行邊講：「我要趕住去換衫。」冇停步即入會場。
阿嬌和老公在餐廳包場舉行註冊儀式，地點位於尖沙嘴海旁，可以盡覽270度維港靚景，一對新人可以望着海景作出山盟海誓，浪漫滿瀉。而餐廳的露天位置有5排座椅，以白色簡約佈置，有幾個花球點綴，賓客可望着海旁景色；今日天氣風和日麗，而露台外有草地，但因為海旁邊有小樹，故就算註冊儀式舉行時有船隻駛近，船上嘅人都未能分享阿嬌嘅喜悅一刻，私隱度極高。
現場保安嚴密，餐廳有職員在扶手電梯位把守，而商場亦安排三、四個保安，現場約有10多位傳媒守候。下午近3時，英皇嘅PR抵餐廳，迎接一對新人到場。約3點半，梁靖琪（Toby）抵會場，近年淡出娛樂圈嘅Toby開設婚嫁公司，今日阿嬌嘅大日子，唔知係咪搵咗Toby做統籌呢！
今年5月，阿嬌和賴弘國在洛杉磯舉行婚禮，「龍虎豹」好姊妹容祖兒同蔡卓妍、鄭希怡（Yumiko）、霍汶希（Mani）、賭王千金何超蓮陪嫁，阿嬌在婚禮上感動落淚，跟老公甜蜜錫錫，幸福滿瀉。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
