係就正喇！
佗B五個月的藝人陳凱琳出席活動，她坦言坐低時腰背都痠痛：「個肚愈嚟愈大，腰痛都好合理嘅！（有冇度吓幾吋腰圍？）我怕接受唔到，生完又要追番之前尺吋會有壓力，上磅都唔敢睇呀，不過真係重咗20幾磅！（長胎唔長肉？）希望都知道最後個月會脹得更大，所以老公都叫我要休息多啲，放鬆心情享受呢個過程！（開始買BB嘢未？）老公佢好開心，未買床就買玩具。（生金豬會好運？）未聽過，不過最近見好多豬仔飾物都好鐘意，又粉紅色好靚。（佗B仔喎？）唔緊要啦，一、兩件都OK嘅！」
佗B五個月的陳凱琳，早前已拍了大肚寫真，她坦言有點尷尬：「第一次見自己着咁貼身既衫，亦唔太喜歡咁性感，所以唔敢望自己個裸體，覺得好尷尬！（生前會再影？）會分兩次影，到時問吓老公係咪一齊影，唔想畀壓力佢。（佢裸體？）叫佢唔好着，我就着樽領，哈哈！」陳凱琳稱產後復工都要等大半年：「睇情況啦，輕鬆嘅都可以，拍劇就起碼大半年。（修身？）係，都有人搵我試紮肚，話復原會好啲！」
來源 source: http://hk.on.cc
|
鍾意就快D Share啦！
|
|
|
