時下的社會議題，總是離不開樓價高企，年輕人難買樓等。最近張達明（達ming）將他曾奪「香港演藝發展局劇本大獎」的舞台劇《亞Dum一家看海的日子》，改編成電影《家和萬事驚》，找來好友吳鎮宇、袁詠儀（靚靚）演男女主角。戲中講述鎮宇和靚靚兩公婆，為了一層僅有一扇窗的海景住宅甘做樓奴，過程中遇上人生的甜酸苦辣。
現實中張達明，亦嘗了他人生的甜酸苦辣，他於2012年確診患鼻咽癌康復後，首次集監製、編劇、演員於一身的電影，達ming說︰「我好興奮，我成世人未做過咁大嘅工作，又監製又編劇，舞台劇可以拍成電影。」此時達ming一時感觸，哽咽的說︰「重病之後，有咁多朋友幫手，做到啲咁美麗嘅事。多謝鎮宇，係佢話我知，舞台劇可以拍成電影，多謝女主角阿靚。o依家我同病友分享，唔好驚病，自己唔好冧，仍會有美麗嘅生存空間。」
鎮宇、達ming和靚靚，三人曾於1997年合作過《賭神3之少年賭神》，二十年後再重逢，鎮宇不禁說︰「題材係話題性，時間、角色嘅變化，其實真係未夠喉。」今次鎮宇和靚靚演兩夫妻，戲中亦不乏親熱戲，達ming笑謂︰「有場戲我睇得好興奮，靚靚用身體去吸引鎮宇。」
買樓可說是香港人的切身問題，尤其下一代要靠父母幫忙才可以上車。對於三位主角，當年他們首次置業時，是否同樣靠父母護蔭呢？達ming直言︰「我係靠父母，當年我係舞台劇演員，成日失業，佢（鎮宇）曾經係我老闆，我幫佢寫劇本，我攞獎學金去完紐約之後，返嚟戶口得2,000元，當時屋企買咗居屋，我做掛名業主。」
靚靚說到她當年首次置業，她說︰「我入行時，搵到啲錢，係自己畀首期，但嗰時樓市冇咁誇張，咩能力買咩嘅樓。」在旁的達ming不禁說︰「佢入行就攞金像獎，我入行十幾年都未俾人提名過。」靚靚接着說︰「我賣咗層樓之後，一路都係租樓住。」而鎮宇當年首次置業，幸有明燈指導，他說︰「好多年前我想買車，但有位師兄話我，點解唔買樓，買車會跌價，買樓唔會跌。當時我吓咗一聲，我得幾十萬真係冇諗過。後來，我就係由幾十萬嘅村屋，一間一間咁換上去。」
談起理財、儲錢，鎮宇想起媽媽經常跟他說的故事，「我阿媽同我講唔好咁大使，當年有一家四口，一個月收入3,500元，可以儲到2,000元。雖然我唔係物質主義，但我同阿媽講，我唔想過呢種生活，你都唔想我咁。」問到鎮宇有何理財或儲錢方法？他說︰「咪努力啲搵錢，搵到使唔晒先儲起，如果同富豪講儲錢，佢哋有個斗零（一仙）都拎去投資」對下一代如何灌輸理財觀念，靚靚分享了她的經驗，她說︰「應使則使囉！唔好先使未來錢。」
採訪︰羅婉玲
攝錄︰馮嘉銘
化妝︰Kerry On @ZING makeupschool（袁詠儀）、Kargo Leung（吳鎮宇）
髮型︰Ziggie law@ the.muse.hair（袁詠儀）、Joe Kwong（吳鎮宇）
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
