謝雪心而家65歲，70年代入行嘅佢大大話話都喺呢行打滾咗四十幾年。做女藝人要保持靚樣，好身材，心姐就係長青不老嘅好例子。就咁睇佢個樣，又有邊個估到佢已經65歲，長者優惠都用得啊？不過要Keep住身形同靚樣，真係要花足功夫。雖然心姐一向瘦底，但為咗令身體肌肉唔好鬆弛，有拜拜肉同胃腩，佢堅持做Gym，仲做足20年。
細細個就已經係游水健將嘅佢，游水做Gym雙管齊下，先Keep到有咁嘅好身材。佢仲有個纖腰秘方，呢個扭腰纖腰法，令65歲嘅佢條腰同韓妹Hani一樣咁瘦啊！之前佢Po出自己嘅泳衣Look，騷到佢一啲贅肉都無，所以話女人真係唔懶得㗎。心姐都話：「係辛苦吃力㗎，要有恆心。」做呢行除咗有實力之外，個樣一樣咁重要，心姐兩樣都保持到，所以咪喺圈子四十年都咁成功囉！
來源 source: http://nextplus.nextmedia.com
|
鍾意就快D Share啦！
|
|
|