79歲的演員吳耀漢與兒子吳嘉龍昨晚在又一城出席賀歲片《如珠如寶》首映禮。吳耀漢因腎衰竭，兩星期前剛接受完手術，不過他出席活動時精神顯得不錯，他說：「之前做咗個『洗肚』（腹膜透析）手術清除毒素。（身體狀況點？）依家身體有啲虛弱，要習慣肚裏面有條膠喉𠺘吓𠺘吓咁。（幾時要再『洗肚』？）兩個星期後，自己每日都要洗4次，每次一個鐘，依家都係休息緊，今日先啱啱去完醫院洗傷口。」吳耀漢又忠告所有人有病要睇醫生，醫生指他不會即刻死，所以會堅持抗病魔。而吳嘉龍則表示當然擔心爸爸，但最重要是他感覺舒服，一家人亦會支持他。
吳耀漢透露現在兩個腎臟只剩餘十分之一功能，問到可考慮會換腎？他說：「年紀太大唔適合換腎，依家呢個方法係最安全、最容易。（可唔可以拍戲？）可以，不過唔可以咁長時間，醫生話最多每日只可以拍六、七個鐘，因為都要洗肚。」而吳嘉龍則笑謂人工要加多點。
來源 source: http://hk.on.cc
|
鍾意就快D Share啦！
|
|
|