網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年1月11日 星期五

【不斷更新】學友感冒唱高音少少失準 自嘲:就快6張嘢 __,張學友,

歌神張學友今晚喺紅館舉行15場「學友.經典」香港站演唱會,喺8點15分開場,演唱會開四面台,每個入場嘅觀眾都會送一支燈棒。相關新聞:【第219場巡迴騷 ...


歌神張學友今晚喺紅館舉行15場「學友.經典」香港站演唱會,喺8點15分開場,演唱會開四面台,每個入場嘅觀眾都會送一支燈棒。

相關新聞:【第219場巡迴騷】學友畫冊要有票先買到 每人限買一本



另外,巡迴演唱會以香港站作尾站,頭場更見到學友囡囡瑤華現身捧場。



2257:去到Encore階段,學友換上銅色燕尾服唱《用餘生去愛》,而現場螢幕上就播出學友同幾位已經離世藝人如柯受良、張國榮、羅文、沈殿霞、梅艷芳、黃霑等人合照,再連接唱《心如刀割》、《離開以後》、《一千個傷心的理由》、《只想一生跟你走》。

相關新聞:【同華仔夾好?】學友219場巡迴再返港開騷 18歲張瑤華興奮撐老竇



2214:學友唱完《不經不覺》、《春風秋雨》再唱《你的名字我的姓氏》,揀番之前影觀眾錫嗰一對出嚟,咁啱今日呢位女觀眾生日,學友即場唱英文生日歌。學友又送咗一幅當時兩人錫嘅相做禮物,又寫上祝福語同簽名。學友話同團隊出咗120分力:「估唔到自己就快6張嘢(60歲),仲諗做唔做到,嚟到219場,證明我係得嘅。」之後唱《愛是永恆》同《祝福》。



2140:學友唱出《和好不如初》,瑤華睇到興奮舉手搖,之後就到《寂寞的男人》、《遙遠的她》。唱到《野貓之戀》時女Dancers換上性感短裙,之後喺煙火效果下唱《餓狼傳說》。喺唱出《如果這都不算愛》就同觀眾再次握手,之後再唱《我醒著做夢》。未知係咪感冒影響,唱高音時有啲拆拆地。



2136:學友換上全套藍西裝唱《頭髮亂了》。



2119:學友又向歌迷介紹台上結他手,佢話好開心見到香港朋友:「知道大家做完嘢會好攰,大家可以揀瞓下覺,不過唔瞓嘅話,就盡量放開自己。」學友又話香港騷開始,亦表示巡迴即將完結,令佢好緊張,又感冒又抽筋,仲講笑老人病出晒嚟。佢又作自己我介紹,入行唱咗30幾年歌,已經開咗800幾場演唱會。之後佢又清唱半首《月半彎》、《她來聽我的演唱會》、《我真的受傷了》。



2037:學友唱出《離人》嘅時候,仲坐住款嘅道具船,之後就唱出《這麼近(那麼遠)》,唱嘅時候不時仲有蘭花手出現。之後仲唱咗《怎麼捨得你》、《愛火花》、《忘記他》。



2025:學友唱出第二首歌《非常夏日》,第三首就係《今晚要盡情》,仲行咗埋觀眾度唱,不過就冇握手,學友全程都冇正式打招呼講嘢,只係間中講thank you。



2015:張學友着住金色燕尾裝出場,仲戴住一頂高帽,見學友留鬚根,精神奕奕。一出場全場嘅觀眾歡呼,而學友就唱《我與你》。











 張學友着住金色燕尾裝出場。

張學友着住金色燕尾裝出場。





尾站返到嚟香港,囡囡瑤華捧場。

尾站返到嚟香港,囡囡瑤華捧場。














鍾意就快D Share啦!