藝術細胞真係有遺傳～
影帝任達華到街頭巴士站出席攝影展，吸引不少途人圍觀影相，同場有攝影師Miss Bean，他表示10年前曾頒過畫畫獎給對方。受訪時華哥表示他們這輯相是彩色：「依家街係沉沉白白，冇生命力，所以希望呢啲相可以為香港帶嚟生命力。（你平時影相影咩多？）咩都有，上年都出咗本風景相集，今次就影花園街唔要嘅花，又環保，又可以令唔要嘅花創作成art work。」
問到平時可有幫囡囡影靚相？他笑言：「佢仲係唔畀我影呀，反而佢會用手機同相機偷影我，真係唔公平，佢影我就得，我影佢就唔得，佢成日偷影我背脊。（啲相出唔出得街？）好多都唔出得街㗎。（佢畀你睇番啲相？）佢唔畀我睇，間唔中一、兩張囉，佢影我背脊，不過都好嘅，希望遲啲有機會同佢一齊出去影相。（培養佢呢個興趣？）佢開始鍾意，但都要人鼓勵。」
講到新年，他表示要在上海拍戲，而今日下午會先飛到北海道拍，之後再去上海，問到太太及囡囡可會飛到上海陪他過年？他表示：「唔會呀，因為個女冇假放，等遲啲2月中佢放假我返香港陪佢。」
來源 source: http://hk.on.cc
|
鍾意就快D Share啦！
|
|
|