網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年2月16日 星期六

娛樂專題:【星二代乳名逐個數】梁浸浸到底係點解? __,梁浸浸,

俗語有云「唔怕生壞命、最怕改壞名」,依家呢個世代已經係「花名唔怕改,最緊要係星二代」!一班明星父母未諗到幫寶貝仔女改咩名前,就率先幫佢哋改咗個親暱嘅乳 ...


俗語有云「唔怕生壞命、最怕改壞名」,依家呢個世代已經係「花名唔怕改,最緊要係星二代」!一班明星父母未諗到幫寶貝仔女改咩名前,就率先幫佢哋改咗個親暱嘅乳名,凸顯對仔女嘅心思。事實唔少星二代個乳名又真係幾可愛啜核,仲愈嗌愈「旺父母」添!

最深入民心嘅乳名要數天后陳慧琳(Kelly)一對寶貝仔,大仔劉昇叫「蝦餃仔」原來係傳媒功勞,事關當日劉昇出世後,見佢下巴似「蝦餃」,就形容佢為「蝦餃仔」,估唔到Kelly聽完好鍾意,就索性叫個仔做「蝦餃仔」。到後來細佬出世,大家以為佢會改「燒賣」,但Kelly就覺得「小籠包」可愛啲。

自此好多星爸媽都鍾情用「美食」做乳名,朱茵和黃貫中嘅囡囡黃鶯就係點心之王「叉燒包」,因為囡囡出世面珠漲卜卜似個包。而朱茵好友蔡少芬同張晉兩個愛女張楚兒、張信兒,乳名就分別係「湯圓」同「包子」。

除咗點心系列外,有啲乳名可以話係「啖啖肉」,黎諾懿個囝囝因為喺雞年出世,所以就叫「小春雞」。無獨有偶,吳君如同陳可辛嘅囡囡亦同雞有關,但就叫「小肥雞」,因為當年君如嘅代表作係《金雞》,於是用咗戲入面嘅名做囡囡乳名作為紀念。而陳展鵬同老婆單文柔個B更「贏在子宮裏」,未出世已經改好乳名做「小豬比」,紀念豬年生小寶貝。

「食得嘅名」仲有呂慧儀嘅囝囝,因慧儀有「長腳蟹」之稱,BB就順理成章叫「蟹籽」,相當貼切!樂隊Mr.主音布志綸嘅囝囝一出世已經係肥B,圓圓碌碌,面珠同手腳都好厚肉,所以就叫做「肥冬瓜」。相信大家都知劉愷威個女叫「小糯米」,但原來呢個名係因為阿女喺端午節前一日出世,而愷威亦希望囡囡似「糯米」咁黐身,永遠都要黐實佢。

講到星二代嘅乳名,又點可以唔提「梁浸浸」呢?至於點解叫梁浸浸,根據媽媽鄭希怡(Yumiko)所講,梁浸浸即係上海話嘅「亮晶晶」呢!


來源 source: http://hk.on.cc
鍾意就快D Share啦!