藝人麥美恩下午到屯門出席旅遊慈善拍賣活動，談到早前與緋聞男友許文軒齊齊出埠拍節目，她笑謂：「都係廣州一帶，因為拍粵語典故節目嘛。（有冇對佢加分？）佢又真係幾細心，肯幫我拎嘢，落樓買枝水佢都肯陪我，唔係個個男仔都做到，咁我不嬲都冇話佢差。（佢話要跟你學嘢，想入屋多啲。）講到我老晒，但我明佢意思，每個娛樂新聞主播出嚟都好多擔憂，驚自己做得唔好，我成日都叫佢放啲，好似演喜劇咁就得。（有咩都預埋佢？）梗係，當年喺娛樂新聞台佢都幫咗我好多，我、周奕瑋同佢咁，都一定會互相扶持！」
她又形容現場拍賣旅遊套票超值，自己亦心動，笑謂：「依家公司製作好認真，好多時都出埠拍攝，嚟緊我又去馬來西亞喇，不過我都係以東南亞為主，好想衝出亞洲，例如去非洲睇動物大遷徙等等，希望有機會啦，等我賣吓橋先。」
來源 source: http://hk.on.cc
|
鍾意就快D Share啦！
|
|
|