- 【謝霆鋒影飯要出煙】 為求效果 劉翁蒸熟衛生棉條放入飯
- 23分鐘前
38
新一輯嘅《鋒味前奏》噚晚（24日）喺ViuTV播出，一如以往，主理人謝霆鋒每集都會教大家煮一道菜、火火任主持，不過今次仲有新加入嘅攝影師劉翁（Sunny Lau）客席主持。第一集，霆鋒就教大家煮「紅酒炆牛肋骨」。
霆鋒煮緊嘢嘅時候，火火就趁機問佢嚟緊三月十七日「演唱會」嘅詳情，劉翁即刻代答：「係呀係呀，張海報係我影。」之後霆鋒就解釋呢個唔係佢嘅個人演唱會，「係音樂會嚟嘅，仲有好多其他人，唔係淨係得我一個，我自己會有六至七隻歌，但係其他樂隊都有好多歌，所以係似一個搖滾嘅festival。最好玩嘅係我哋會接受外界嘅參與，想打鼓嘅人可以嚟打鼓，我哋大概會有百幾套鼓喺度，你嚟唔係聽我唱，係同我一齊jam！」
火火又問到係咪會出cook book，霆鋒就話要花好多時間，因為唔想求求其其，「中餐最大鑊就係鹽少許、跟住又糖適量，咁點算呢？如果我真係要做，我唔希望係『少許』同『適量』，係真係要磅出嚟。」劉翁就話做cook book唔同影寫真，霆鋒表示認同，「我哋『皺』咗咪去洗個面、補個妝、整個頭咪ok囉，你一碗白飯，佢唔出煙，你點拍佢都唔好食！」分享經驗，「我拍飯要出煙，其實碗飯本身係可以唔駛出煙，因為只要蒸熟咗一個道具放入飯就得！咁個道具係咩呢？就係衛生棉條！」聽到呢到，霆鋒若有所思，然後大家齊齊食「紅酒炆牛肋骨」。
來源 source: http://nextplus.nextmedia.com
|
鍾意就快D Share啦！
|
|
|