C君原名鄭詩君，現年35歲嘅佢情路坎坷，2012年被拍拖多年嘅舊愛Gloria悔婚，當年C君已經買好結婚戒指，仲訂埋酒席，臨埋門一腳，傳女方就以佢患地中海貧血症為由，提出分手，更悲嘅係C君發現Gloria原來搭上了自己最好嘅朋友，當時C君大受打擊，意志消沉。
不過好人有好報，C君遇上DJ黃天頤，因為有共同喜好一拍即合，舊年農夫搞演唱會，C君仲話必娶黃天頤添。
樂天面對病魔
咪睇C君成日講爛gag，但原來歡笑背後，佢好細個嘅時候已經患有地中海貧血症，要終身定期到醫院換血同食藥，之前網上流傳一條當時只得14歲兼讀緊中學嘅C君，於醫院接受訪問嘅片段，望落C君嗰樣同依家都好似，短片中嘅旁白話C君當時每四星期就要返去醫院輸血。當時C君講嘢風格同依家冇咩分別，向來樂天嘅佢一直好好勇敢面對呢個病！
來源 source: http://hk.on.cc
|
鍾意就快D Share啦！
|
|
|
