網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年3月4日 星期一

何遠東:捱足10年!何遠東感激阮兆祥教路 __,何遠東,阮兆祥,

在演藝圈捱足10年的藝人何遠東,在英皇電影《廉政風雲煙幕》中的演技獲好評。日前他接受訪問時,指能參演《廉》過程相當「夢幻」,連朋友也問他為何會被揀中, ...


在演藝圈捱足10年的藝人何遠東,在英皇電影《廉政風雲 煙幕》中的演技獲好評。日前他接受訪問時,指能參演《廉》過程相當「夢幻」,連朋友也問他為何會被揀中,得到跟張家輝、劉青雲等巨星合作的機會,他說:「嗰日導演麥兆輝位助導打電話嚟同我講咗一句:『你上嚟見吓。』嗰吓我感覺係:『嘩 !』根本我唔識佢,之前一晚我緊張到失眠,仲立即上網起番晒導演個底,做定功課,仲準備咗一段戲做casting。」

他清楚記得見到導演第一面時先示好:「導演,你好。」之後他忍不住問導演為何睇中他,而導演很直接說「想搵一個做戲嘅人,其貌不揚唔緊要」,之後開始跟他傾角色,他說:「佢好快咁同我講我個角色係點,講晒啲電影機密畀我聽。(一拍即合?)係呀,我好驚,冇諗過傾吓偈唔使casting就有咁嘅機會,之後再傾片酬好合理,待遇又好,我覺得好受尊重。」這次奇妙經歷,令他憶起前輩一句至理名言「做人要恰如其份」,他覺得尤其是自己這類「功能性」演員,要盡力做好本分。

回想過去10年星途,他覺得有高有低,最感恩是遇上伯樂,除導演麥兆輝及給機會入電視台的監製王心慧,他指最初加入無綫時,最經常說的是「對唔住」,皆因:「我係新人乜都唔識,除記清楚得對白外,走位、望鏡頭,連去化妝間都係去錯,工作人員有微言問他:『你係邊位呀?!』成日累到人哋。」不過直至拍劇集《衝呀!瘦薪兵圑》和阮兆祥做對手戲才重燃希望:「祥哥冇介意過我乜都唔識,執住我隻手教我由擺低抽鎖匙,推門、除外套,點樣返轉頭畀部機拍到我個表情,好感激佢。」又指因阮兆祥的施恩,令他要發放正能量,如他指導過在《愛.回家之開心速遞》中飾演「金城安」同學「氹仔」的新演員做戲。


來源 source: http://hk.on.cc
鍾意就快D Share啦!