陳琪轉型KOL：多咗廣告拍
近年不少藝人踩入網紅界，前無綫藝人、現已轉做KOL的陳琪，對於孫耀威的成功亦表示羨慕，並坦言她亦因為網紅工作，多了拍廣告機會：「以前做電視都唔會有人搵我拍廣告，反而依家多人識，下個月會拍護膚品廣告！（多人識咗？）出街有Fans同我打招呼，嗰種滿足感多過賺錢，但如果有更多錢賺當然更好！」有傳她月入10萬，陳琪笑說：「如果有咁嘅數目就發達喇！」
提到內地網紅粉絲動輒過百萬，她說：「之前開過微博戶口，但有黑客入侵就刪咗，換電話後冇再開，但我聽到孫耀威個Case咁勁，我同佢天淵之別啦，大陸巿場咁大，閒閒哋都過百萬粉絲，唔知有冇星有一億粉絲呢？但嗰個肯定唔係我！」
另一無綫藝人謝東閔打機打到街知巷聞，更不時在社交平台直播打機，不過他謙稱算不上網紅：「網紅就唔敢，我會直播打機同其他人分享吓打機心得。我最鍾意打足球網絡遊機FIFA，經常有網友話要同我切磋。」至於直播收入是否可觀？他說：「我打機都有同遊戲商合作，收入都OK。」
來源 source: http://orientaldaily.on.cc
|
鍾意就快D Share啦！
|
|
|