歌手鄭伊健在紅館舉行第六場尾場《Along with Ekin Live Concert 2019》，獲太太蒙嘉慧、父母、容祖兒、蔡卓妍、謝安琪、張繼聰、林嘉欣、蔡一智、蔡一傑、蘇麗珊、黃偉文等人到場支持。日前脊椎移位及右手韌帶撕裂的伊健在快歌環節時繼續取消倒掛，但之後跳上台時踩不穩，半隻腳踏空，幸好沒事。
鳴謝環節時伊健多謝家人及太太：「多謝屋企人，佢哋好支持我，想做乜就做乜，包括我太太。」全場即拍手歡呼。唱完《感激我遇見》後，他表示：「想講點解6年後會開呢個演唱會，呢6年世界變得好快，特別係香港，有啲嘢覺得莫名其妙，點解香港會變得負能量，連我都覺得係，所以我就諗要點樣做，就係要做好本分，我係一個歌手，人會感染人，見到你哋咁開心，就係我開呢6場嘅目的，記得要keep住正能量。」然後唱出《我的歌》，唱到最後幾句時，他忍不住感觸落淚。
Encore環節，身穿背心的伊健右手露出運動膠帶貼布，連唱幾首歌後大家仍不肯走，故他再出場，唱出送給爸爸的《爸爸的汽水》，期間表現有點感觸。完騷後大家仍然不肯離場，相隔5分鐘後，伊健第三度出來encore，笑言：「凡事太盡，緣分勢必早盡，啲band都走晒。」之後樂隊再出場，他表示：「送多最後一首，我哋冇冇多謝你哋，最後一首歌，要開心離場。」然後唱出《你的我》，最後跟大家講：「希望後會有期！」演唱會圓滿結束。
來源 source: http://hk.on.cc
|
鍾意就快D Share啦！
|
|
|
