楊思琦與李泳豪分開8年，如今思琦已有自己的家，獨力照顧6歲女兒楊卓穎（穎穎）。思琦日前接受車淑梅主持的電台節目《舊日的足跡》訪問，大方談起舊愛，並祝福對方﹕「佢好，我就覺得好。」
思琦最近當了歌手，直言從來不覺得自己靚，選美也是應楊媽媽的要求。她說﹕「我其實好想做老師，希望20幾歲生小朋友。後來入咗呢行，先將年紀推遲，30幾歲先有機會生小朋友。我係刻意去做媽媽嘅，當時知道自己有小朋友真係好開心，我完全冇諗過唔要呢個細路，佢係上天畀我嘅禮物。囡囡穎穎2月出世(2012年)，我只係3月先向大家公佈。」
穎穎出生時，思琦身邊沒有一位男士在旁，車淑梅問是否一早已經打算不讓這位男士負任何責任？思琦思量了一會，說﹕「唔係咁樣。」不過，思琦未有透露箇中原因，並自問已盡好媽媽的責任。對於外間對囡囡生父有好多揣測，思琦直言感到煩惱，而囡囡便成為她的「解藥」，她說﹕「一見到穎穎就會好開心，當時忙住湊女、餵人奶，忙到我乜都唔記得。」
有指李泳豪爸爸李家鼎(鼎爺)其實好錫思琦，問到有沒有想過找鼎爺談談事件的情況？思琦說﹕「冇，但見到鼎爺亦有打招呼。佢係一個好健談嘅人，除咗精於廚藝，亦學識廣博，武術、雀鳥、狗隻，任何人生課題都識，係一位好全面嘅前輩，我都好崇敬佢。」
思琦坦言有留意到前男友李泳豪進軍飲食界(相關新聞﹕ https://bit.ly/2VxwWkB )，
見到這個消息很開心，因他有自己的事業和生意。思琦說﹕「其實我相信人與人之間唔一定因為離開、分開變成仇人，未必係咁樣。大家相處過一段日子，就算係朋友都有感情，更何況拍過拖？我唔會有咁樣嘅心，我會諗對方一切都係好嘅，每日都開心，總之佢開心、佢好，我就覺得好。」
另外，對於被問囡囡沒有爸爸的事，思琦已經教了穎穎一個回答的方法，並已逐步向穎穎解釋她的情況。思琦大讚穎穎很懂事，待她長大一點，思琦也會開始觀察身邊的追求者誰最適合自己。她笑說:「對方一定要錫自己同家人，唔使高大威猛，內心最重要，靠外表好難去開展。我唔容易認識新朋友，因為我係一個宅女，而家我決定要識多啲新朋友，睇吓有冇新機會，我要出去行個圈。」
精選娛聞，喺晒《娛果》
http://fb.com/appledailyent
第二屆最港電影大獎投票網址
https://bit.ly/thekongestfilmawards2018
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb
| 思琦接受車淑梅訪問。 | | |
| | | |
|
鍾意就快D Share啦！
|
|
|
