港鐵今晨（18日）在收車後測試新訊號系統期間，兩列車在中環站隧道內罕有攔腰相撞至出軌，嚴重損毀，荃灣綫中環至金鐘站要全日停駛維修，同類事故是港鐵自1979年通車以來首次。立法會交通事務委員會副主席、公民黨譚文豪表示，港鐵的訊號系統應與防撞系統有別，故更新訊號系統應不會影響防撞系統運作，質疑防撞系統是否都出問題而未有啟動，才導致今次事故。香港鐵路公司員工協會主席杜廣仁直言，這次是「幾大嘅失誤」，據悉車長在試車期間，發現前方有列車，曾嘗試煞停，「不過都無辦法停得到，如果無煞過，車速可能仲高，唔知個後果會點」，可能導致更嚴重傷亡。
杜廣仁表示，港鐵測試新訊號系統，籌備時間不短，「都有好幾個月，中間不停都有做緊測試，淨係知道今次佢會測試喺繁忙時間嘅時間表行車模式，車次比較密，同埋車速比較高，所以都揀咗唔係咁多人嘅時間去做測試」。他坦言，今次事故在香港來說已很嚴重，但未至最差情況，「好彩今次有人喺架車度，可以應付到突發情況，估計已經令到車速減慢，同埋都好彩無乘客喺度」。
曾任九鐵主席的立法會鐵路事宜小組委員會成員田北辰分析，當時列車並非由人手控制，亦不是新舊訊號系統接駁有問題，可能是設定訊號系統時出錯，最壞情況是訊號系統不聽指示，若真的如此，荃灣綫的訊號系統最少要拖遲一年半載，才能成功更換。「基本上我都唔會再信呢個軟件商，我都唔會畀佢機會，根本以後我都唔相信會同佢買嘢，因為呢啲嘢可大可小。」
田北辰稱，若訊號系統正常運作，當列車去到轉軌位置，遇上其他列車在前，一定會停低，「今次就無停，就撞咗埋去」。田分析，訊號系統亦要人手輸入數字，指示列車停在甚麼位置，估計今次事故可能是設定訊號系統時出錯。他估計，港鐵之前試車時，應是用較疏的班次，今次或開始測試最密的2分鐘1班，「其實係好密好密，好有機會要停車讓對面過」。
田又指，列車總站的轉線軌道，最理想是設於車站後，以荃灣綫為例，因荃灣站有足夠地方，轉線軌道設於車站後方，一旦列車不幸在轉線時有碰撞，由於要落車的乘客應已落車，要上車的乘客亦未上車，相撞的也只是2架空車；但由於土地問題，包括中環站在內的全港一半港鐵總站，轉線軌道均設於車站前方，列車轉線時載滿人，則要非常小心，避免相撞。
-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
| 工會據悉車長在試車期間，發現前方有列車，曾嘗試煞停列車，「不過都無辦法停得到，如果無停，車速可能仲高，唔知個後果會點」。原圖由港鐵提供 | |
|
鍾意就快D Share啦！
|
|
|
