掃呢頁CODE去手機

2019年3月18日 星期一

【諷刺港鐵相撞】網民發揮創意改圖改歌詞:頭搖又尾擺車門凹晒 __,港鐵,

香港網民不嬲創意滿分,今次港鐵撞鑊勁嘅,惡搞當然走唔甩。溶溶爛爛昏暗陰森嘅車廂,最啱加插恐怖元素,於是有網民改圖加入喪屍,彷彿玩緊《生化危機》系列。諷 ...




香港網民不嬲創意滿分,今次港鐵撞鑊勁嘅,惡搞當然走唔甩。溶溶爛爛昏暗陰森嘅車廂,最啱加插恐怖元素,於是有網民改圖加入喪屍,彷彿玩緊《生化危機》系列。

諷刺性強啲嘅,可以改到好似電影海報咁,再加上畫龍點睛嘅抵死字眼──耗資33億元史詩式撞擊場面,戲名為《新․訊號系統》。誠如網民話齋:「測試系統都可以撞鑊甘,佢哋好快又有藉口加票價,話要換呢樣整嗰樣喇。」

至於一向敢言嘅杜汶澤,都用《頭文字D》經典對白嚟抽水,將「我昨晚揸GTR我使炒車?(你揸GTR死咗喇!)」,改為「如果我坐MTR使炒?(你坐MTR死咗喇!)」係好笑,但諗諗真係有乘客的話,幾咁大鑊。

除咗圖,網民仲以鄭伊健《極速》作為舊曲新詞創作,夠晒啜核:

頭搖又尾擺 車門凹晒

不肯改進只識加價又再壞

櫈被拆解 逐層逐塊 碰爛了的器械

頭搖又尾擺 車門凹晒

不肯改進只識加價又再壞

看地鐵中 特權大晒

變賣我港似猶大

時亨唔表態

時亨又點會唔表態呢?咪講過囉:「我哋話俾你聽OK,就得㗎喇!你要相信我哋管理層呀,如果唔係,咁樣落去呢,我哋啲管理層唔使瞓覺都得㗎喇!」咁早抖啦。


鍾意就快D Share啦!