- 王梓軒重金禮聘合作完舞台劇再合唱 陳潔儀：我哋講心唔講金
- 24分鐘前
3
王梓軒與陳潔儀，昨晚首次以舞台劇《利瑪竇》主僕組合出席晚宴。近月兩人忙於綵排舞台劇，一星期見足六、七日，默契十足，更心靈相通，事前冇夾過dress code，亦撞得出色。
梓軒：「我哋呢個組合出event係第一次。(之前有冇夾過著咩衫出席？)冇，我淨係知佢會著得好靚，我就著得好少少！」
Kit則話：「男仔好易估，唔係黑就係suit，我哋今日做咗好多訪問，已經好有默契喇！衫都襯到。」梓軒指大家心有靈犀！雖然顏色唔同，但撞出嚟好靚。
梓軒話：「最近排《利瑪竇》，好榮幸可以同陳潔儀合作，一個禮拜排足六日，放假嗰日都一齊出活動，真係日日見。」Kit更指兩人日日見都唔厭，皆因她很欣賞梓軒有活力：「我哋好有火花，仲有一個月就演出，大家仲探索緊，每一日都有好多新嘢發生。」
Kit舞台劇經驗豐富，有冇袋錢入梓軒袋？梓軒笑笑口話：「佢有買好多嘢俾我食，袋啲嘢入我肚度，Kit係一個以身作則嘅人，佢會用佢自己嘅演繹感染大家，我係受到佢感染，佢冇直接開口教，但係佢嘅正能量係影響大家。」Kit則指，其實冇咩可以教，反而覺得大家互相合作、互相激發啲嘢。
音樂劇《利瑪竇》，梓軒同Kit係演利瑪竇同僕人，但現實生活中梓軒卻搞笑話：「現實係相反，Kit係主，我係僕，我好仰慕你，有咩需要？幫你開門呀！」Kit即話：「梓軒好gentleman！」
兩位都係唱得之人，完咗舞台劇後打算再合作，Kit指：「我哋私底下有講，佢應該年尾就會有演唱會，我哋會有合唱。(梓軒：我哋重金禮聘佢過嚟合唱！)No！我哋唔講錢，我哋講心唔講金！」梓軒指第一日同Kit合作時，已經問對方有冇機會再合作？
從新加坡來港的Kit，來了近三星期，但仍未有機會跟梓軒到處覓食，Kit話：「冇時間呀！同埋每次做完嘢都好攰，(梓軒話：我哋每日排8個鐘，每次排完阿Kit都一貫作風：『我走先！』佢會返屋企煮飯仔！)我好攰呀！」梓軒更風趣地話：「你俾個機會我請你食嘢」
來源 source: http://nextplus.nextmedia.com
|
鍾意就快D Share啦！
|
|
|