- 【恨母子檔搵真銀】老公容易氹過囝囝 陳敏之：有少少寵壞咗佢
- 24分鐘前
2
陳敏之早前為鈣片拍廣告，廣告中同樣是飾演一子之母，與小童星Day Day上演「湊仔的一天」。儘管在拍攝過程中遇到小朋友扭計，但敏之出盡「氹 B 四式」－ 抱、拖、孭、餵，最終成功用母愛收服小童星！敏之拍攝今輯廣告在鏡頭內外都體現到「媽媽唔易做」，除了要在瑜珈墊上一邊做平板支撐，一邊氹小朋友外，更要化身「人肉氹氹轉」、「飛天鞦韆」抱起及背起Day Day！她說：「同小朋友拍嘢最怕佢哋易肚仔餓同眼瞓，不過 Day Day 已經好乖，佢好鍾意食嘢。所以我拍之前專登買咗好大袋零食，我出殺手鐧餵糖氹佢，又扮鬼臉逗佢開心。」敏之笑言氹小朋友比氹老公更高難度，事關老公很容易滿足：「小朋友如果眼瞓肚餓，皇帝都冇面比！反而氹我老公好簡單，基本上一齊食餐飯、睇場戲已經好開心，可能平時太忙，所以更珍惜拍拖時間。」
但不是每次拍攝都有幸遇到聽話小朋友，敏之坦言曾在拍劇時遇到頑皮童星，最終她要「訓導老師」上身，她說：「不過返到屋企對住子樂，我同老公就有啲失敗，可能我成日出咗去做嘢，覺得好內疚，返到屋企就要做慈母，乜都 Say Yes，搞到有少少寵壞咗佢。」敏之表示子樂即將入學，現階段會與老公學習調節，不會過份溺愛兒子。而在拍攝過程中竟發生了小插曲，Day Day 失平衡跌倒，敏之即時嚇到花容失色：「佢有少少想跌低我已經叫到好大聲，Day Day應該都被我嘅尖叫聲嚇親，反而唔係痛。」她透露子樂也試過有小碰傷，但敏之會刻意保持鎮定：「子樂平時玩到跌低，如果唔係流血好嚴重嘅話，我都唔會去扶佢，因為我想男仔剛強啲，我要佢自己起身，但拍嘢係人哋個仔當然會緊張啲。」敏之透露希望日後有機會與子樂母子檔上陣拍攝廣告，但擔心囝囝會「搞搞震」：「當然想同子樂拍廣告，當係我哋兩母子留念，但最怕佢一埋位就搞亂檔。記得佢1歲幾時，試過同佢一齊拍個網上廣告，當時非常難控制，不過效果出到嚟好得意，捕捉晒子樂古靈精怪嘅樣。」
來源 source: http://nextplus.nextmedia.com
|
鍾意就快D Share啦！
|
|
|
