【新增回應】
中環金寶錶行創辦人、已故巨星陳百強父親陳鵬飛，證實於昨日早上（5日）與世長辭，享年95歲。
陳鵬飛近年行動不便需以輪椅代步，但仍不時到鍾愛的陸羽茶室飲茶，至於其一手創立的錶行已交由陳百強大哥陳百靈打理。之後，《蘋果》記者就去到陳鵬飛創立、位於中環的錶行金寶錶行，錶行職員禮貌地表示：「唔好意思，負責人唔喺度，唔方便接受訪問。」
而資深傳媒人查小欣今早於社交網站證實陳老先生去世的消息，查小欣貼出一張與陳鵬飛及陳百靈的合照，並寫道：「陳百強爸爸昨天走了，據知老人家有福氣，走得安祥，吃完早餐，上了洗手間後頭暈，跟着便走了，享高壽96歲。陳爸爸如今與Danny父子相見了。」
《蘋果》致電查小欣詢問，她回覆：「我收到佢哋（陳爸爸親友）嗰邊通知，confirm咗，以前我因為識Danny所以識得陳爸爸，有時都會落佢中環錶行探吓佢，舊年9月Danny紀念活動，我都見到陳爸爸，佢精神好好，成餐飯食晒，完全冇問題，所以知道呢個消息好突然，不過老人家走得好舒服，冇痛苦，大家放心。」
對於陳鵬飛逝世之事，《蘋果》曾致電陳百靈查詢，陳百強的大哥陳百靈短訊回覆：「是真的走了！佢實齡未到九十六，走得非常安詳，係一般的老人病，走時並未有察覺有任何痛苦，亦沒有未了心事，絕對係善終。」問到會否安排陳爸跟Danny一起長眠於將軍澳華人永遠墳場？陳百靈表示：「後事在進行中，下星期會有結果，多謝大家關心。」
| 查小欣今早於社交平台證實消息。（FB圖片） | | |
|
鍾意就快D Share啦！
|
|
|