好姊妹黎瑞恩經歷過起跌，劉小慧都好感慨！
劉小慧、黎瑞恩（小恩子）、湯寶如三位女歌手， 當年並稱「寶麗金三小花」，大家雖然聚會時間不多，但不時通電話聯絡。
據聞足有資格做人生導師的小慧， 曾為不少藝人做心靈輔導，也輔導過小恩子，又以中醫知識，教對方按穴調理周身病痛。各人際遇不同，小恩子經歷離婚，小慧表示：「會感慨好朋友要經歷不幸婚姻，不過，亦羨慕佢啲錢任使，買到成屋嘢，但自己比上不足比下有餘」她與小恩子都愛shopping，她們甚至有句格言「唔睇吓都買吓」，小慧表示自己甚麼都試，所以成為朋友間的諸事通，小至2蚊衣架、釣魚用具，都有很多心得可以分享。
說到心靈輔導，小慧謙稱只是幫人，解答到困難換來對方一個微笑已是功德，她更自爆當日退出娛樂圈的原因：「嗰時好多框架框住自己，冇辦法從心而為，做到冇晒心機，之後就嫁人退出。」所以她很明白藝人遇上糾結，一下子會找不到出路，現時在她字典中甚麼都有可能，覺得命運可以改變！
來源 source: http://hk.on.cc
|
鍾意就快D Share啦！
|
|
|