吳若希今日在尖沙嘴出席美容店活動，見她一臉倦意，她表示早上帶女兒上興趣班，近日忙於帶女兒到學校面試，已有4、5間學校。有讀者見到她帶女兒到一所學校面試，見丈夫不斷傾電話便黑面不滿，她承認這間學校是她最想女兒入讀，但沒印象曾對丈夫黑面：「我好少公開場合黑佢面，最多只係無表情，返屋企先反白眼，唔覺當日佢做過乜，有女嘅時候我係唔理老公。」
有指丈夫入課室時仍低頭玩手機，但那時候已開始計分，吳若希指有聽聞，再重提不知丈夫做過什麼：「我哋只係一齊去，當日怕阿女等太耐，就記得叫老公陪阿女行一陣，無幾耐就輪到我哋。」她坦言兩歲女兒太可愛，專注力全放在女兒身上，言語間令人覺得夫妻感情淡薄，她說：「係，唔係好熟，我哋好少傾兩個人嘅嘢，話題都係講個女，有時打開話題係話女兒得意，或者講工作。」她指一家人由澳門搬到香港居住，丈夫在港少朋友，已介紹朋友給他認識，有時會幫忙宣傳丈夫的生意，被問會否抽佣金？她笑言：「我分畀佢？一家人冇乜特別，生活上佢負責，我賺錢自己使。」本月23日女兒生日，她決定稍後帶小孩去迪士尼，又會再影一輯相。
同場司儀區永權有兩兒子已讀小學，夫婦會跟兒子們睡覺，今年結婚10周年想二人世界旅行被兒子反對：「平時慣咗一齊瞓，佢哋聽到呢件事崩潰要反對。」
-----------------------------
追蹤真相 守護公義
免費訂閱支持蘋果 4月10日無阻盡覽
https://hk.adai.ly/PMtkKQIUBV
-----------------------------
動腦Q金像獎周
4月8日-12日 10:30PM
Let’s Q the money！Action！
https://hk.adai.ly/zpCd06PPwV
|
鍾意就快D Share啦！
|
|
|