Sydney Townsend（左）同華迪利當街違法做愛。（互聯網）
美國密歇根州一位39歲體操男教練，同18歲體操女學生街做愛偷情，上年尾轟動美國；近日當地警方經過處理後，發布相關影片。二人當日喺中午於車廂中赤身露體公然做愛，有人立即報警，到警員到場後二人仍在進行不雅行為，要警員狂敲車門，二人先識停低並且着番衫。
今年39歲嘅華迪利於美國都算出名，曾經於2000年攞過年度十大體操選手名銜，事發前於密歇根州大學任教體操，而同佢偷情嘅係其體操學生。舊年10月8號，當地警方接報有人於位於安阿伯嘅公眾場所做愛，最後將二人拘捕，發現男主角係已婚並育有3名子女嘅華迪利，女主角係體操女運動員Sydney Townsend，二人係師生關係。被捕後一周，華迪利向大學辭去教職，而到上個月佢同起訴人達成共識，將罪名降低至民事違法行為，佢呈交罰款後完結訴訟。
近日當地警方將當日嘅偷情短片，大幅打格後向公眾發布，影片開頭就係警員大敲車窗，雖然影片打咗格，但都隱約睇到二人打大赤勒正進行性行為。警員敲咗一陣窗之後，二人終於知道斷正，警員表示：「真係好尷尬，唔該你哋着番衫。」
之後警員表示：「你覺得我哋之間仲有冇嘢講，所有嘢都好清楚了。」另一警員就話：「其實我可以講好多嘢教訓你哋，不過我睇都係唔需要講了。」去到條片最後，警員仲幽華迪利一默：「希望你原諒我，因為我真係唔想同你握手。」
東網體育FB同你追實體壇每個精彩時刻！
http://bit.ly/2ecTF2A
支持本地運動員，一齊去「睇體」！
https://bit.ly/2DxX4XI
來源 source: http://hk.on.cc
|
鍾意就快D Share啦！
|
|
|
