袁詠儀（靚靚）、郭富城今日去到尖沙嘴出席化妝品牌活動，靚靚今日以性感造型出現，身材纖瘦的靚靚指，老公張智霖（Chilam）需要減肥，靚靚說：「Chilam身形步向多啦A夢，佢成日喺我耳邊話減肥，一方面又話食得唔好嘥，食埋今餐先，冇啲自制能力，中央肥胖對身體都唔好，佢身體差抵抗力又弱，佢話要減肥減到令人心痛（新聞連結： https://bit.ly/2XdISsA ），我就放長雙眼睇，佢起碼都要減20磅。」
對於許志安、黃心穎事件，靚靚回應：「人哋嘅嘢我唔想講，安仔同Sammi都係我嘅好朋友，我成日覺得娛樂圈之外，社會都有呢個問題，好難講。自己老公成日都話，冇話冇咗邊個唔得，唔係睇住就得，要做好自己，任何事都要自強。呢件事我睇咗少少，我同Sammi熟啲，內心係有少少擔心佢。」
中央政府對香港電影業在大陸拍電影放寬限制，靚靚回應：「梗係好啦，香港電影好多新人、新導演、新電影公司，可以帶動香港電影，有稅務優惠更加好。」
此外，郭富城在場分享護膚心得，他說：「我20幾歲開始學護膚，當時有位年長女化妝師同我講，做呢行一定要護膚，所以我而家54歲，30年嚟都好努力去護膚，自己好有心得，會做運動，最重要休息。之前拍《麥路人》同《西遊記》系列扮馬騮，都要做深層護膚，facial半年做一次，阿女喺屋企會幫媽咪搽面，仲拎住隻手袋仔，入面有冇化妝品就唔知，不過佢會扮媽咪搽唇膏扮靚。」問到第二胎是否快出世？城城避談：「下次見面，再同大家分享。」至於大陸放寬拍電影限制，他說：「好好，大家多咗機會，香港電影喺內地可以畀更多觀眾欣賞，對香港電影好大幫助。」
-----------------------------
熱定身睇GOT大結局
權力遊戲76頁電子書
幫你極速消化全劇精華
https://bit.ly/2U9OBxz
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|
