黃心穎今日（17日）在ig公開道歉，表示不知道怎樣去面對馬國明。
而馬明今日亦終於現身，如期返將軍澳公司化妝，然後出發為《降魔的2.0》拍外景。
早已有大批傳媒在無綫等候，馬明駕車返到公司時，心情麻麻，全沒笑容。但態度友善，非常合作，應邀移步到服裝間外接受訪問。
「其實呢件事我知道後，好快已經冇咗嬲呢個感覺，我好平靜，同埋我好快變成擔心，好擔心呢件事牽涉嘅人，任何一個受到傷害，我都唔希望。可能我唯一可以代表佢（黃心穎）講少少嘢，我知佢知自己做錯咗，其實佢好想出嚟同大家講，公司暫時驚佢情緒唔穩定，佢驚講錯嘢，所以冇安排佢出嚟同大家講。我只可以講，佢好年輕，未來有好多路要面對、要去行，我希望大家會畀空間佢。至於我，大家唔使擔心我，我會好專心我嘅工作，拍好我嘅戲，唔希望影響進度。」馬明說。
談到許志安，他說：「安仔講咗嘢，我唔會發表任何意見，我覺得呢個世界無人有資格發言，除咗安仔嘅太太之外，大家都冇資格發言，希望件事盡快平熄就算。」
來源 source: http://nextplus.nextmedia.com
|
鍾意就快D Share啦！
|
|
|
