- 【安心偷食】爆心穎稱 「天后老公」話會離婚 港男硬撐受害 網民斥腦殘
- 48分鐘前
「安心偷食」事件，隨著Sammi發表終極聲明，表示會原諒安仔之後，本以為事情已漸告一段落，點知16年參加港男、現職健身教練的梁裕恆（Flow），日前在Facebook上發表「歪理論」，指女方同佢講愛上有婦之夫，並提及有婦之夫是「天后老公」，更表示會離婚，於是女方才願意跟他一起。最後更力攬女方，指她只是追求愛情，係有錯，但罪不至死。
梁裕恆「歪理論」全文：
「突然醒起一些事情，不吐不快。醒起有一日佢好唔開心咁同我講因為同男朋友好小機會見面，感情出左問題，又話愛上左另一個男人係有婦之夫，好內疚。那個是天后的老公，但那個男人說佢地既婚姻一早出左問題，個男人同佢講會離婚，她才願意跟他一起。如果係咁她只是一個受害者。事件報道後，無人同佢講過一句公道說話。我亦唔明點解她一句都唔回應，一個人攬晒上身。個男人唔係有錢？又唔係好樣？佢又唔係賣身，只是一個追求愛情既女仔。個男人無嘢俾到佢，就只是愛錯一個人，係有錯，但罪不至死！」
文內雖沒有提及任何姓名，但梁裕恆在文內同時貼上與黃心穎的合照，文內男、女主角已經呼之欲出，令人聯想正是黃心穎與許志安。
「歪理論」一出，瞬即被網民瘋傳兼留言鬧爆，未夠12小時，已有逾2,100個留言，指「健身教練你係咪都想暫停一下工作重新搵一搵你自己？」、「一個壞左既健身教練」，有網民甚至搵出「歪理論」的「初版」，當中有一句「其如（餘）三個人既（嘅）說話都只在保護自己」，其後此句被梁裕恆刪除。有傳媒向梁裕恆查詢，梁指「憑良心說話」，難怪被網民指他腦殘。其實任何情況都不是當上小三或婚姻出軌的合理理由。梁裕恆撲出來的一番言論，以為撐心穎，但可能分分鐘幫唔到忙，換來反效果。
梁裕恆2016年曾參選港男，參選前曾任職消防員，落選後，曾參演劇集《飛虎之潛行極戰》，飾演其中一名學員，現時主要擔任健身教練，高海寧、呂慧儀也是其學生。
來源 source: http://nextplus.nextmedia.com
|
鍾意就快D Share啦！
|
|
|