- 【拍新歌MV】帽都冇得戴 兜頭淋夠變態 側田：入晒耳仔成口都係
- 22分鐘前
即將於6月舉行第八次紅館個唱嘅側田，一早講過會為《My Beautiful Curse演唱會2019》度身整歌，講過就要算數，側田今日找數喇！新歌《完全變態》是側田自己作曲，將於明天（3/4）派台，MV亦會同日首播。
講到拍新歌《完全變態》的MV，側田找來合作過《不經不覺》MV的導演Welby Chung合作，見他簡單以白色底衫及運動褲造型，連帽都不可以戴，原來是要被淋到滿頭顏料，側田說：「淋上頭嘅係廣告彩，雖然比油漆易洗，但淋到成頭係，入晒耳仔，咁我唱住咁夾口型，結果成口都係，原來廣告彩食落口係苦苦哋，唔似香口膠，第一次食廣告彩。」
拍攝當日在影樓進行，沒有沖身的地方，在場工作人員及化妝師事前準備定毛巾及盛滿清水的水桶，讓側田完成後可以即刻沖洗，問他廣告彩有沒有令他皮膚敏感，他說：「初頭冇，只係覺得好凍，一堆堆嘢撻咗落個頭再流落身，拍完之後，先發覺頸起咗一粒粒紅點，化妝師話有少少敏感，不過，拍得好乜都冇所謂」MV花了4小時便完成拍攝，因為過程不多，而且不能重拍，只可一take過，不過側田笑言：「話就話一take過，淋嘅時候個位唔啱，啲槳流得唔好睇，都係一路補一路淋，愈淋愈興奮，搞到我真係好似變態咁。」
聽側田講，新歌《完全變態》是他的心聲，他說：「蝴蝶由卵孵化後，從幼蟲到成蟲要經過一個蛹期，喺蛹體內會進行劇烈嘅組織及器官嘅改造過程，之後先會成蟲破蛹而出變做蝴蝶。好似我咁，每次我喺台下做足所有嘅準備，就係為咗上台嗰下好似蝴蝶咁破蛹而出，唱好歌發熱發亮。」
來源 source: http://nextplus.nextmedia.com
|
鍾意就快D Share啦！
|
|
|