2019年5月23日 星期四

姚子羚:因禍得福?姚子羚新劇度身訂造做女一 __,姚子羚,

同樣被指偷食人夫,但係結果就完全唔同!無綫藝人姚子羚最近被指捲入四角關係,雖然負面新聞纏身,但冇阻幕前事業發展,她將與老拍檔陳山聰齊齊開拍以跑步為題材 ...


同樣被指偷食人夫,但係結果就完全唔同!


無綫藝人姚子羚最近被指捲入四角關係,雖然負面新聞纏身,但冇阻幕前事業發展,她將與老拍檔陳山聰齊齊開拍以跑步為題材的新劇,二人同是Crazy Runner成員,今次角色可謂為二人度身訂造,而其他演員還有跑開馬拉松的跑友胡諾言、蔣志光及劉穎鏇等。

劇接劇冇休息

據知,姚子羚還未有時間傾劇本,對於八月要開拍新劇,她接受訪問時謂:「其實今年不停咁拍,真係冇抖過,依家太多動作戲,我都想拍完《唐人街》休息一下先,要調理吓身體。」她又表示現時周身傷,之後都要去看跌打,又謂:「之前畀展鵬踩親腳,隻腳瘀咗個幾星期,佢都好唔好意思,每隔兩日就打一個電話問候我,到依家佢仲欠我一餐飯。」

今日姚子羚在將軍澳電視城為劇集《唐人街》埋尾拍攝,對於有報道指她擔心有情慾片曝光,姚子羚肯定表示沒有拍片,她說:「要回應已經回應咗、唔再回應,我相信自己,支持我嘅人都知道姚子羚係咩為人,唔回應咁多。(好友朱庭萱話你只係有嗰張「床照」?)唔回應咁多,上次交代晒,其實某程度嗰啲都係我嘅私隱,我啲相畀人公開咗,我都係受害者。(會唔會報警?)要同公司商量,現階段希望件事盡快完結。(朱庭萱暗示爆料人係Raymond二奶?)唔評論,大家都未搵出發生咩事。(有冇聯絡Raymond?)大家都係當事人,所以有聯絡。(朱庭萱話Raymond處理感情好混亂?)呢個係Bonnie嘅回應,我就唔回應喇。」

再見亦是朋友

有指Raymond賣樓給前妻贍養費,姚子羚指是他們兩人的事,不方便評論。姚子羚亦不願評論有指她威脅Raymond要在前妻與她作出選擇,她說:「要向公眾解釋嘅已經有澄清晒,我同Raymond已經回復朋友嘅關係,唔再回應其他。(仲可以做到朋友?)呢啲係兩個人之間嘅時事,普通朋友都可以做嘅。」

唔擔心姚子羚影響工作

而圈中最跑得的「跑男」山聰受訪時坦言非常之開心,笑言:「今次真正開正我嗰範,一個咁好嘅題材,除咗講跑步,當中仲包含溫情同愛情。」據知,今次山聰再同姚子羚飾演一對,而劇中山聰是一名跑步教練,更有一名女兒。問他拍完《唐人街》後只得兩個月時間準備,最急切要準備的是甚麼時,他坦言:「要搵番我對腳出嚟先,因為之前一直要開工,自己真係跑少咗好多,而且依家拍《唐人街》,一直都要顧住排朱古力,真係要操番跑步先,(兩個月夠時間嗎?)都夠嘅!不過夏天跑步係辛苦嘅,自己都會搵番啲專業嘅跑手嚟操吓,同佢哋一齊練習,喺佢哋身上都可以搵番一啲角色上嘅形態同感覺。」此外,說到子羚,問之前的事怕否會影響對方工作情緒,山聰對子羚甚有信心謂:「姚子羚係我認識當中一個好堅強嘅人,工作方面亦好專業,所以我絕對唔擔心佢會受任何嘢影響工作。」




來源 source: http://hk.on.cc
鍾意就快D Share啦!
Related Posts Plugin for WordPress, Blogger...