轉數慢啲都會出事！
藝人鍾麗緹同內地男星張倫碩喺2016年結婚，佢哋出晒名恩愛，去邊度都有影皆雙，近期佢哋仲同埋張媽媽一齊上綜藝節目，不過因為一餐飯搞到爆發婆媳糾紛，係勢成水火之際，好彩張倫碩夠機警，靠一句說話化險為夷！
喺節目嘅預告片中，佢哋一家人去咗外國玩，喺整頭髮嘅時候張媽媽提議之後去食中餐，不過鍾麗緹持反對意見，覺得去到外國就應該要食西餐。婆媳之間互睥眼神充滿火花，喺張倫碩唔知點算好嘅時候，張媽媽打出周杰倫呢張牌，借佢首歌《聽媽媽的話》叫阿仔決定去食中餐，鍾麗緹見到咁嘅情況出大招反擊，話當年邊個日日等佢落堂，仲話要畀幸福佢，逼老公張倫碩要選擇去食西餐，兇險嘅情況一觸即發，好彩喺呢個時候張倫碩靈光一閃，諗到去打邊爐食鴛鴦鍋，一邊四川麻辣一邊芝士三文魚，咁就符合晒兩位嘅要求，成功化解咗今次嘅危機！
對於張媽媽演出呢條預告片，鍾麗緹大讚佢嘅演技：「婆婆演的太棒了。笑死我了我都看了好幾遍了。哈哈哈。」張倫碩也直呼：「我媽的演技真的是超出我的想像。這個節目真的好好看哈哈。」
來源 source: http://hk.on.cc
|
鍾意就快D Share啦！
|
|
|