有時啲嘢唔係錢就得嘅！
藝人黃嘉樂雖然曾與「發電廠」江嘉敏傳緋聞，不過其實佢同攝影師女友Samantha感情非常穩定，最近仲拍拖兩周年，嘉樂就Sweet爆喺電台點唱送畀女友，搞喊對方，真係冧到爆呀！
原來Samantha好鍾意聽「音樂情人」鄭子誠嘅電台節目，嘉樂就喺大氣電波中示愛，子誠就用把招牌磁性聲線讀出：「Samantha，不經不覺，我哋已經一齊兩年，好多謝你出現喺我生命裏面，我愛你，嘉樂！」之後就播出鄭伊健首情歌《感激我遇見》！Samantha留言：「估唔到今晚我地（哋）各自收工出黎（嚟）食個快飯，食食下（吓）Mr.💛無啦啦開收音機，我秒哭左（咗）啊！」
嘉樂仲上載一張兩人喺維港下攬實女友嘅相：「Happy anniversary!妳快樂所以我快樂😘」原來係Samantha嘅「回禮」，身為攝影師嘅佢，幫客人影唔少靚相，今次終於到佢同嘉樂做主角，不過依然係佢操刀，連陳敏之都留言：「好勁呀！點影架（㗎）！幫我影呀！」網民都催佢哋結婚呀！
來源 source: http://hk.on.cc
|
鍾意就快D Share啦！
|
|
|