【母親節】今天是母親節，雖然常言孝順母親不應只在節日，不過，都不妨趁這個好日子，向偉大的母親表達謝意。而且，如何與父母或子女共度，也可以按各人所好，單親家庭長大的崔碧珈、有一對溫馨父母的吳肇軒、新手媽媽吳日言、Coffee及利嘉兒，就以不同的方式錫錫媽咪。
相關新聞：數學99分被打唔准喊
現年30歲崔碧珈，畢業於英國中央蘭開夏大學，同時又在英國錫菲大學攻讀工商管理碩士課程，並擁8級鋼琴造藝，但2012年回港度假被黃柏高看中，最終留港發展演藝工作。
入行獲母支持
崔碧珈日前與崔媽媽一齊接受《蘋果》訪問，難得入廚的崔碧珈，當日為吃素的媽媽炮製紅菜頭素菜湯，不過崔媽媽見崔碧珈雞手鴨腳，都有出手幫助。其間，崔碧珈問媽咪當年可有為她放棄學業感不快？崔媽媽直言：「初初聽到係有呆一呆，覺得讀咁多書，一定係做醫生、律師，唔知你幾時轉咗目標。」崔碧珈笑說：「其實我一路都覺得自己唔鍾意做會計師，但係我鍾意讀書，而且我讀市場學，對我𠵱家做電影幕後工作好有用，冇浪費讀書嘅錢。」
不過，崔碧珈自言入行後感到有點矛盾：「可能未清楚條路，只係知道想做拍戲工作，冇諗過係咪要性感，有次面試，我話畀媽咪知，我面試角色係一個妓女，媽咪諗咗一陣就答我，如果要做呢個角色就要做一個最妓女嘅妓女，嗰時我先知，原來佢有啲唔開心，但都會支持我，只係自己一直諗唔通。」
崔碧珈在10多歲時經歷父母離異，母女關係也特別親密。訪問當日，崔碧珈一邊飲湯、一邊向媽咪說出催淚感言：「我崔碧珈如果有一日……唔好話飛黃騰達，生活可以有得好，我用嘅每一樣嘢，媽咪一定會有先。我自己有車牌，但我買車畀媽咪先，總之我有能力，都係媽咪有先！」看似輕輕一句話，但出自女兒口中，崔媽媽兩行眼淚失控般湧出來。
父親關係疏離
說到與爸爸的關係，崔碧珈指彼此關係疏離：「其實我冇乜嘢可以同呢個男人講，記得當年佢為咗生意問媽咪攞錢，一個女人要周轉，畀咗你又唔知會唔會還。」崔碧珈對爸爸當年跟崔媽媽的一番話，更加記憶猶新，她說：「當年媽咪問佢：『如果畀晒啲錢你，三個仔女瞓邊？我瞓邊？四個人瞓邊？』爸爸就話：『就算你哋瞓街，我都要救間公司，10幾歲去洗碗囉，讀書好緊要咩？我都係小學畢業之嘛！』」
重提舊事，崔媽媽再次感觸落淚，崔碧珈一直緊握媽咪的手派定心丸，她說：「父母對子女犧牲完全知，所以好錫媽咪，花咁多錢畀我讀書，但我返嚟簽咗做藝人，拍好多戲啲新聞出嚟又會令佢憂慮，但希望佢睇到我唔係浪費咗你賣樓供我讀書嘅錢，而係有發揮落事業度。」崔碧珈最後為媽咪送上一束鮮花及甜蜜一吻，祝媽咪母親節快樂，崔媽媽隨即破涕為笑，暖在心頭。
採訪：鄉奈仁
攝影：陳俊強
場地提供：www.rentakitchen.com.hk（出租廚房）
|
鍾意就快D Share啦！
|
|
|