杜汶澤前晚在網台節目「喱騷」公開向拖糧的程美段道歉，他還就對程美段的指控，分別是「博見報」、「三個月先出糧」、以及「叫人唔好用你」，逐一致歉講「對唔住」，兼加鞠躬，顯示十足誠意。到凌晨程美段回應接受阿澤道歉，並回敬阿澤「欣賞你願意喺幾千人嘅直播中和解呢件事」，拖糧糾紛告一段落，而程美段謂不會再跟「喱騷」合作。
相關新聞：【隔空公審】最初道歉不認數
現年21歲的程美段日前向傳媒訴苦稱杜汶澤拖糧，遭阿澤在facebook公開點名揶揄，並指「大家用呢個人記得小心啲」，其後程美段公開與製作人員之間的WhatsApp對話錄音，證自己「清白」，結果「喱騷」在官方facebook專頁發道歉聲明認行政失當，阿澤卻在自己的fb中撐事件中有失誤的工作人員，但此舉引起不少網民不滿。
| | |
發誓不鬧人
阿澤前晚10時在「喱騷」親身鞠躬道歉，其妻田蕊妮到現場支持。節目開始前，阿澤先發言：「我自細覺個世界唔公平，發現自己把口幾叻，發現x人都可以做英雄，xx吓開始慣咗，開始好鍾意x人，係又x唔係又x。今日我鄭重向程美段小姐道歉，話你博見報，對唔住。我公司應承咗一星期畀錢，但三個月先畀，對唔住。叫人小心你、唔好用你係我唔啱，對唔住。對你所有嘅指控，對唔住。我對一生所有x過嘅人，我都同你講對唔住，除咗中國共產黨。今日我喺關二哥面前發誓，以後唔x人，古有金盆顦口，今有金盆洗x，以後唔x人。」而阿澤道歉時，每一次講「對唔住」也有鞠躬。
程美段昨日凌晨在fb大方接受道歉：「啱啱收到杜汶澤先生真誠嘅道歉，我程美段公開表示接受，同時欣賞你願意喺幾千人嘅直播中和解呢件事，非常欣賞。」 又說：「好多網民估我哋呢單大龍鳳，最後我同杜生可能係世紀大和解，所以小妹為保我同杜生嘅聲譽，只好厚住面皮單方面咁宣佈，唔會再同LateShow呢個平台合作。成件事正式完結，呢篇文章亦都係最後一次回應。『在艱彌厲 戰鬥到底』共勉之。」程美段原來文采不錯，回應得不卑不亢。
相關新聞：【E Cup甜心】程美段=呈現美好身段
粗口變「Interesting」
阿澤昨早再留言：「新的一天開始了，以前每當我想罵人的時候，都會講『我x你老母』，由今日開始，會轉化成為『好得意呀』，英文可以用『Interesting』，世事，係咪好得意呢？」
此外，田蕊妮昨日到商台宣傳新歌《最親》，對於老公杜汶澤公開向程美段道歉，她坦言不多作回應，因為要處理的已經處理好，自己會表示支持，問到她有否被老公拖家用？她哈哈大笑說：「冇喎，我哋財政好獨立。」
採訪：馬建華
|
鍾意就快D Share啦！
|
|
|